ஆஸ்திரேலியா, நியூ சவுத் வேல்ஸ் மாநிலத்தின் 2022க்கான ஆஸ்திரேலியர் விருது இந்தியாவை பூர்வீகமாகக் கொண்ட பெண் ஒருவருக்கு அறிவிக்கப்பட்டுள்ளது.
மறுசுழற்சி செய்வதன் மூலம் கழிவுப்பொருட்களை மீண்டும் பயன்படுத்தும் வகையில் பொருட்களை உற்பத்திசெய்வதற்கான செயல்முறையை வீணா சஹஜ்வல்லா கண்டுபிடித்தார்.
நேற்று திங்கட்கிழமை இவருக்கு இந்த விருது வழங்கப்பட்டது.
மும்பையில் பிறந்து கனடாவின் வேன்கூவர் நகரில் துறைசார் கல்வியை நிறைவுசெய்து, கணவரோடு ஆஸ்திரேலியாவுக்கு புலம்பெயர்ந்த வீணா, Sustainable Materials Research and Technology எனப்படுகின்ற ஆராய்ச்சிகளில் ஈடுபட்டார்.
நியூ சவுத் வேல்ஸ் பல்கலைக்கழகத்தில் 2008ஆம் ஆண்டுமுதல் பேராசிரியராக பணியாற்றும் இவர், 1989ஆம் ஆண்டிலிருந்து துறைசார்ந்த ஆராய்ச்சிகளிலும் புதிய கண்டுபிடிப்புகளிலும் ஈடுபட்டு வருகிறார்.