பைடன்: கோபத்தை ஏற்படுத்தும்

இரண்டு பேரைக் கொன்ற குற்றச்சாட்டுகளிலிருந்து அமெரிக்க இளையர் விடுவிப்பு

நியூ­யார்க்: அமெ­ரிக்­கா­வில் இன வெறிக்கு எதிராக நடத்­தப்­பட்ட போராட்­டத்­தில் இரண்டு பேரைச் சுட்­டுக்­கொன்ற கைல் ரிட்­டன்­ஹ­வுஸ் எனும் 18 வயது இளை­யர் குற்­ற­வாளி அல்ல என்ற தீர்ப்புடன் விடு­தலை செய்­யப்­பட்­டார்.

அவர் மீது சுமத்­தப்­பட்ட இரண்டு கொலைக் குற்­றச்­சாட்­டு­கள், கொலை முயற்சி, போராட்­டத்­தில் கல­வ­ரத்தை ஏற்­ப­டுத்­தி­யது என அனைத்து வித­மான வழக்­கு­க­ளி­லி­ருந்தும் விடு­விக்­கப்­பட்­டுள்­ளது அமெ­ரிக்­கா­வில் விவா­தப்­பொ­ரு­ளாக மாறி­யுள்­ளது.

நீதி வென்­று­விட்­டது என்று கூறும் குடி­ய­ரசு கட்­சி­யி­னர் இத்­தீர்ப்பை வர­வேற்­றுள்­ள­னர்.

தீர்ப்­புக்கு ஆத­ரவு தெரி­வித்­துள்ள விஸ்­கான்­சின் செனட்­டர் ரான் ஜான்­சன், நீதி கிடைத்­து­விட்­டது என்­றார்.

நியூ­ஜெர்­சி­யின் முன்­னாள் ஆளு­நர் கிறிஸ் கிறிஸ்டி, "நீதி அமைப்­பின் மீதான் நம்­பிக்கை புத்­து­யிர் பெற்­றுள்­ளது," என்­றார்.

ஜன­நா­ய­கக் கட்­சி­யி­னரோ வன்

முறைக்கு ஆத­ர­வான தீர்ப்பு என்று கூறி­யுள்­ள­னர்.

கலி­ஃபோர்­னி­யா­வின் ஆளு­நர் கவின் நியூ­சோம், "மக்­க­ளைச் சுட்­டுக் கொன்­று­விட்டு, அதி­லி­ருந்து தப்­பித்­துக்­கொள்­ள­லாம் என்­பது போல் உள்­ளது," என்­றார்.

அமெ­ரிக்க அதி­பர் ஜோ பைடனோ, "ரிட்­டன்­ஹ­வு­சின் விடு­தலை, நான் உட்­பட பல அமெ­ரிக்­கர்­க­ளுக்கு கோபத்­தை­யும் கவ­லை­யை­யும் ஏற்­ப­டுத்­தும்," என்­றார்.

ஆனால் நீதி­ப­தி­யின் தீர்ப்பை மதிப்பதாகவும் அவர் சொன்­னார். அத்­து­டன் ஆர்ப்­பாட்­டக்­கா­ரர்­களை அமை­தி­யாக இருக்­கு­மா­றும் அவர் வலி­யு­றுத்­தி­னார்.

சென்ற ஆண்டு ஆகஸ்ட் 25ஆம் தேதி கெனோ­‌ஷா­வில் கறுப்­பின ஜேக்­கப் பிளேக் கொல்­லப்­பட்­ட­தற்கு எதி­ராக நடந்த ஆர்ப்­பாட்­டங்­க­ளின் போது ரிட்­டன்­ஹ­வுஸ் இரண்டு பேரைச் சுட்­டுக்­கொன்­றார்.

இது­தொ­டர்­பான வழக்­கு­வி­வா­தத்­தின்போது, தான் எந்த சண்­டை­யை­யும் தொடங்­க­வில்லை என்­றும் எதி­ராளி தன்னை தாக்க முயன்­ற­தால், தற்­காப்­புக்­காக தான் சுட்­டு­விட்­ட­தாக ரிட்­டன்­ஹ­வுஸ் நீதி­மன்­றத்­தில் கூறி­னார்.