மாணவர் முரசு
இ-பேப்பர்
தோக்கியோ: ருசியாக இருக்கிறது, ஆனால் அதிகம் சாப்பிட்டால் உடல் பருமனாகிவிடுமே என்று இனி கவலைப்பட வேண்டியதில்லை.
ஜப்பானின் மீஜி பல்கலைக்கழக பேராசிரியர் ஒருவர் ருசிக்கும் தொலைக்காட்சித் திரை ஒன்றைக் கண்டுபிடித்துள்ளார். இதன் மூலம் விரும்பும் உணவைச் சாப்பிட முடியாவிட்டாலும் கூட, கிட்டத்தட்ட அதன் சுவையை ருசிக்கலாம்.
ஹோமி மியாஷித் எனும் அந்த பேராசிரியர் தொலைக்காட்சி திரை போன்ற ஒன்றை உருவாக்கியுள்ளார். இந்த திரையின் நுனியை நாவால் நக்கும்போது, அதில் உண்டாகும் சுவை உணர்வுகளை ருசிக்க முடியும்.
'டேஸ்ட் தி டிவி' எனும் இந்த சாதனத்தில், ஒரு குறிப்பிட்ட உணவின் சுவையை உருவாக்க, வெவ்வேறு சுவைகள் கொண்ட 10 டப்பிகள் உள்ளன.
சுவைக்க விரும்புபவர்களின் விருப்பத்திற்கு ஏற்ப டப்பிகளிலிருந்து சுவைகள் திரையில் பரவும்.
இது சமையல் நிபுணர்கள் தொலைதூர கற்றலில் ஈடுபட பெரிதும் பயன்படும் என்று எதிர்பார்க்கப்படுகிறது.
வீட்டில் இருந்தபடியே உலகின் எந்த மூலையில் உள்ள உணவையும் ருசிப்பது போன்ற அனுபவத்தைக் கொண்டு வருவதே குறிக்கோள் என்றார் மியாஷித்.