மாணவர் முரசு
இ-பேப்பர்
மெல்பர்ன்: டென்னிஸ் வீரர் நோவாக் ஜோக்கோவிச்சின் ஆஸ்திரேலிய விசா குறித்து நிச்சயமற்ற நிலை நிலவும் வேளையில், ஆஸ்திரேலிய பொதுவிருது போட்டிக்கான அதிகாரபூர்வ குலுக்கலில் அவரின் பெயர் இடம் பெற்றுள்ளது.
குலுக்கலின்படி, திங்கள் அல்லது செவ்வாய்க்கிழமையன்று நடைபெறவுள்ள தொடக்க ஆட்டத்தில், ஜோக்கோவிச்சிற்கு எதிராக இன்னோர் செர்பிய வீரரான மியோமிர் கெக்மனோவிச் தேர்வாகியுள்ளார்.
இதற்கிடையே, தனது 21வது பொதுவிருதை வெல்லும் முனைப்புடன் உள்ள ஜோக்கோவிச், ஆஸ்திரேலியாவின் நேற்று பயிற்சியைத் தொடங்கினார்.
ஆண்கள் பிரிவில் இதுவரை யாரும் 21 பொதுவிருதை வென்றதில்லை.
இந்நிலையில், ஜோக்கோவிச்சின் விசா நிலையைப் பற்றிக் கருத்துத் தெரிவிக்க மறுத்துவிட்ட ஆஸ்திரேலியப் பிரதமர் ஸ்காட் மோரிசன், அதுபற்றிக் குடிநுழைவு அமைச்சர் முடிவெடுப்பார் என்று சொன்னார்.