ஓமிக்ரான்: விழிப்புநிலையில் சீன நகரங்கள்

பெய்­ஜிங்: சீனப் புத்­தாண்டை முன்­னிட்டு பல சீன நக­ரங்­கள் கொவிட்-19க்கு எதி­ராக எச்சரிக்கை நிலையைக் கடைப்பிடித்து வருகின்றன.

பெய்­ஜிங் உள்­பட பல சீன நக­ரங்­களில் ஓமிக்­ரான் கிரு­மி பர­வி ­உள்­ள­தைத் தொடர்ந்து அவை எச்­ச­ரிக்கை நிலை­யைப் பின்­பற்­று­கின்­றன.

சீனா­வின் லுயோ­யாங், ஜியாங் போன்ற நக­ரங்­கள், பய­ணி­கள் தங்­க­ளது பய­ணம் குறித்த விவ­ரங்­க­ளை மூன்று நாள்­க­ளுக்கு முன்­ன­தாக தெரி­விக்க வேண்­டும் என்று அறி­வு­றுத்­தி­யுள்­ளன.

தங்­கள் நக­ரத்­திற்கு வரு­வ­தற்கு ஒரு­நாள் முன்­ன­தாக, பய­ணத் திட்­டம் குறித்த இணைய விண்­ணப்­பம் ஒன்­றைப் பய­ணி­கள் நிரப்­ப­வேண்­டும் என்று கூறி­யது யூலின் நகர நிர்­வா­கம்.

சென்ற வார இறு­தி­யில் பெய்­ஜிங், ஸென்­‌ஷென் நக­ரங்­களில் உள்­ளூர் ஓமிக்­ரான் சம்­ப­வங்­கள் கண்­ட­றி­யப்­பட்­டன. இறக்­கு­மதி செய்­யப்­பட்ட பொருள்­க­ளின் மூலம் கிருமி தொற்றி­யி­ருக்­கக்­கூ­டும் என்று அந்­ந­க­ரத்­தின் நோய்க் கட்­டுப்­பாட்டு அதி­காரி சொன்­னார்.

பெய்­ஜிங், மெய்‌‌‌ஷோ ஆகிய நக­ரங்­களில் ஓமிக்­ரான் தொற்­றுக்கு ஆளா­ன­வர்­கள் மருத்­து­வ­ம­னை­யில் அனு­ம­திக்­கப்­பட்­டுள்­ள­னர்.

இது­வரை குறைந்­தது, சீனா­வின் ஐந்து மாநி­லங்­களில் உள்­ளூர் ஓமிக்­ரான் சம்­ப­வங்­கள் பதி­வா­கி­யுள்­ளன.

இதற்­கி­டையே, கிரு­மிப் பர­வல் கட்­டுப்­பா­டு­க­ளால் சீனா­வின் பல நக­ரங்­கள் முடங்­கி­யுள்­ள­தால், நிறு­வனங்­க­ளுக்­கான பொருள் வரத்து பெரி­தும் பாதிக்­கப்­படும் என்று கூறப்­பட்­டுள்­ளது.

சீனா­வில் குறைந்­தது 20 மில்­லி­யன் பேர் வீட்­டி­லேயே முடங்­கி­யுள்­ள­னர். அவர்­களில் பெரும்­பா­லா­னோர் ‌ஷியான், ஹெனான் மாநி­லங்­க­ளைச் சேர்ந்­த­வர்­கள்.