மாணவர் முரசு
இ-பேப்பர்
வாஷிங்டன்: உக்ரேன் பிரச்சினை தொடர்பில் ரஷ்யா முன்வைத்த பரந்த அளவிலான கோரிக்கை
களுக்கு எழுத்துபூர்வமான பதில் அளித்தாயிற்று, இனி அது ரஷ்யா பாடு என்று அமெரிக்க வெளியுறவு அமைச்சர் பிளிங்கன் தெரிவித்துள்ளார். உக்ரேன் எல்லையில் கடல், தரைவழி ராணுவப் பயிற்சிகளை ரஷ்யா பெருமளவில் மேற்கொண்டுவரும் நிலையில் அமெரிக்கா இவ்வாறு கூறியுள்ளது.
ரஷ்யாவுக்கான அமெரிக்கத் தூதர் ஜான் சல்லவன் தன் கைப்பட ரஷ்யாவிடம் கொடுக்கப்பட்டதாகக் கூறப்படும் இந்த எழுத்துபூர்வமான பதில் ரஷ்யா எழுப்பியிருக்கும் அம்சங்களுடன் அமெரிக்காவும் தனது பங்குக்கு அமெரிக்க, ஐரோப்பிய நட்பு நாடுகளின் கவலைகள் பற்றியும் அதில் குறிப்பிடப்பட்டுள்ளதாக திரு பிளிங்கன் தெரிவித்ததாக ராய்ட்டர்ஸ் செய்தித் தகவல் கூறுகிறது.
அமெரிக்கா தனது பதிலில் இந்தப் பிரச்சினைக்கு அரசதந்திர வழியில் தீர்வுகாணும் தனது திட்டத்தை விளக்கியுள்ளதாகவும் அந்தத் திட்டம் ரஷ்யாவின் கவலைகளுக்கு கொள்கை ரீதியான, நடைமுறைக்கு சாத்தியமான வகையில் தீர்வுகாண்பதை அடிப்படையாகக் கொண்டது என்று திரு பிளிங்கன் விளக்கினார்.
"எழுத்துபூர்வமாக பதிலளிப்பது, அதை சுருக்கமாகத் தெரிவிப்பதன் மூலம் ரஷ்யாவும் எங்கள் நிலையை தெள்ளத் தெளிவாக அறிந்துகொள்ள உதவியாக இருக்கும். இனி பிரச்சினையில் முடிவு எடுக்க வேண்டியது ரஷ்யாதான்," என்றும் அவர் சொன்னார்.
கிழக்கு ஐரோப்பிய நாடுகளிலிருந்து துருப்புகள், ஆயுதங்களை மீட்டுக்கொள்வது, உக்ரேனை நேட்டோவில் சேர்த்துக்கொள்ளாதது போன்றவை நடக்காத ஒன்று.
ஆனால், ஆயுதக் கட்டுப்பாடு, நம்பிக்கையை ஏற்படுத்தும் நட
வடிக்கைகள் போன்றவை குறித்து விவாதிக்கத் தயார் என அமெரிக்கா தெரிவித்துள்ளதாக தகவலறிந்த வட்டாரங்களை மேற்கோள் காட்டி ராய்ட்டர்ஸ் தகவல் தெரிகிறது.