வலுவான நிலையில் லிவர்பூல், தோல்வியைத் தவிர்த்தது பயர்ன்

சான் சிரோ: சாம்­பி­யன்ஸ் லீக் காற்­பந்­துப் போட்­டி­யில் இன்­டர் மிலான் குழுவை இரண்டு கோல்­கள் வித்­தி­யா­சத்­தில் வென்­றது லிவர்­பூல்.

இத்­தா­லி­யில் நடை­பெற்ற இந்த ஆட்­டம் கோல் எது­வும் இல்­லா­மல் சம­நி­லை­யில் முடிந்­து­வி­டுமோ என்று எதிர்­பார்க்­கப்­பட்ட நிலை­யில், ரொபர்ட்டோ ஃபிர்மினோ கோல் போட்டு லிவர்­பூலை முன்­னிலை பெறச் செய்­தார்.

75வது நிமி­டத்­தில் அவர் போட்ட கோலைத் தொடர்ந்து, 83வது நிமி­டத்­தில் சாலா இன்­னொரு கோலைப் போட்­டார்.

போர்ச்­சு­கல் வீரர் டியேகோ ஜோட்டா காயம் கார­ண­மாக விளை­யாட முடி­யா­மல் போன­தைத் தொடர்ந்து, ஃபிர்மினோ கள­மி­றக்­கப்­பட்­டார்.

இன்­டர் குழு கோல் எது­வும் போட­வில்லை என்­றா­லும், வலு­வான தொடக்­கம் கொடுத்த லிவர்­பூ­லுக்கு அது மிக­வும் அச்­சு­றுத்­த­லா­கவே இருந்­தது.

இந்த முதல் சுற்று ஆட்­டத்­தில், எதி­ரணி மைதானத்தில் இரண்டு கோல்­கள் போட்டு 2-0 என்ற கோல்­க­ணக்­கில் வெற்றி பெற்ற லிவர்­பூல், காலிறுதிக்கு முன்னேறுவதற்கான தனது நிலையை வலுப்­ப­டுத்­தி­யுள்­ளது.

அடுத்த மாதம் 8ஆம் தேதி ஆன்­ஃபீல்­டில் இரண்­டா­வது சுற்று நடை­பெ­ற­வுள்­ளது. இந்த ஆட்­டத்­தி­லும் லிவர்­பூலே வெற்றி பெறும் என்று எதிர்­பார்க்­கப்­ப­டு­கிறது.

லிவர்­பூல் தொடர்ந்து ஏழு போட்­டி­க­ளாக வாகை­சூடி வரு­வது குறிப்­பி­டத்­தக்­கது.

மற்­றொரு சாம்­பி­யன்ஸ் லீக் ஆட்­டத்­தில் சால்ஸ்­பர்க், பயர்ன் மியூ­னிக் குழுக்­கள் மோதின. இந்த ஆட்­டம் 1-1 என சம­நிலை கண்­டது.

சால்ஸ்­பர்க்­கின் அடமு 21வது நிமி­டத்­தில் கோல் போட்டு தமது குழுவை முன்­னிலை பெறச் செய்­தார்.

இதைத்­தொ­டர்ந்து மேலும் இரண்டு கோல்­க­ளைப் போடக்கூடிய அக்­கு­ழு­வின் முயற்­சி­களை பயர்ன் மியூ­னிக் தடுத்­து­விட்டது. இருப்­பி­னும், பயர்ன் மியூனிக் குழு 1-0 என தோற்றுவிடும் நிலையே நீடித்­

தது.

90வது நிமி­டத்­தில் கோமன் போட்ட கோல், பயர்ன் குழு­வின் தோல்­வி­யைத் தவிர்த்து ஆட்­டத்தைச் சமன் செய்­தது.