டெல்டாவைக் காட்டிலும் அதிக உயிர்களைப் பறித்த ஓமிக்ரான்

நியூ­யார்க்: அமெ­ரிக்­கா­வில் டெல்டா வகை கிரு­மித்தொற்­றால் மாண்­ட­வர்­க­ளைக் காட்­டி­லும் ஓமிக்­ரான் தொற்­றால் அதி­க­மா­னோர் மர­ண­மடைந்ததாக 'நியூ­யார்க் டைம்ஸ்' தெரி­வித்துள்­ளது.

அன்­றாட சரா­சரி தொற்று மர­ணங்­கள் அமெ­ரிக்­கா­வின் 14 மாநி­லங்­களில் இரு­வா­ரங்­க­ளுக்கு முன் நிகழ்ந்­த­தைக் காட்­டி­லும் தற்­போது அதி­கம் நிகழ்ந்துள்­ளன.

அல­பாமா, அலாஸ்கா, ஆர்­கன்­சாஸ், கலி­ஃபோர்­னியா, ஜியார்­ஜியா, ஹவாயி, இடாஹோ, கெண்­டக்கி, மெய்ன், ஓக்­ல­ஹோமா, டென்­னஸ்ஸி, டெக்சஸ், யூட்டா மற்­றும் மேற்கு விர்­ஜி­னியா ஆகி­யன அந்த மாநி­லங்­கள்.

முதன்­மு­த­லாக நவம்­பர் 24ஆம் தேதி தென்­னாப்­பி­ரிக்­கா­வில் ஓமிக்­ரான் தொற்று கண்­ட­றி­யப்­பட்­டது முதல் அமெ­ரிக்­கா­வில் 30,163, 600க்கும் மேற்­பட்ட புதிய தொற்­றுச் சம்­ப­வங்­கள் பதி­வாகி உள்­ளன. அதே­போல 154,750 மர­ணங்­களும் நிகழ்ந்­துள்­ளன. கிட்­டத்­தட்ட மூன்று மாத கால­கட்­டத்­திற்­கான நில­வ­ரம் இது.

இதனை டெல்டா வகைத் தொற்­று­டன் ஒப்­பி­டு­கை­யில் ஆகஸ்ட் 1 முதல் அக்­டோ­பர் 31 வரை­யி­லான கால­கட்­டத்­தில் அமெ­ரிக்­கா­வில் 10,917,590 தொற்­றுச் சம்­ப­வங்­களும் 132,616 மர­ணங்­களும் பதி­வாகி இருந்­தன.

அதா­வது, டெல்டா கிரு­மிப் பர­வ­லைக் காட்­டி­லும் சுமார் 176 விழுக்­காடு பாதிப்பை ஓமிக்­ரான் ஏற்­ப­டுத்தி இருப்­பது இதன்­மூ­லம் தெரிய வந்­துள்­ளது. நவம்பர் இறுதி வாக்கில் அமெரிக்காவில் ஓமிக் ரான் பரவத் தொடங்கியது.