மாணவர் முரசு
இ-பேப்பர்
சிங்கப்பூர்: உக்ரேனுக்கு மனிதாபிமான ஆதரவு தேவை என்றபோதிலும் அதற்கு எதிராகத் தாக்குதல்களை நடத்தும் ரஷ்யா மீது கடுமையான நடவடிக்கையை உலக நாடுகள் எடுக்க வேண்டும் என்று சிங்கப்பூருக்கான உக்ரேனியத் தூதர் கத்தரினா ஸெலென்கோ (படம்) நேற்று தெரிவித்தார்.
மிகவும் வலிமைமிக்க எதிரியான ரஷ்யாவுக்கு எதிராகத் தன்னைத் தற்காத்துக்கொள்ள உக்ரேனுக்கு கூடுதல் ஆதரவு தேவைப்படுவதாக அவர் கூறினார்.
"ரஷ்யாவுக்கு எதிராக அனைத்துலகச் சமூகம் உடனடியாக பெரிய அளவில் ஒருங்கிணைந்து தடைகளை விதிக்க வேண்டும். அனைத்துலக அளவில் ரஷ்யாவை அனைத்து நாடுகளும் ஒதுக்கி அதைத் தனிமைப்படுத்த வேண்டும்.
"உக்ரேனுக்குத் தேவையான ஆயுதங்கள், பாதுகாப்பு சாதனங்கள், எரிபொருள் போன்றவற்றை வழங்க வேண்டும்," என்று உலக நாடுகளுக்கு திருவாட்டி ஸெலென்கோ அழைப்பு விடுத்தார்.
உக்ரேனுக்கு ராணுவ ஆதரவு தேவைப்படுவதாக திருவாட்டி ஸெலென்கோ கூறினார். நாட்டைத் தற்காக்க ஆயிரக்கணக்கான உக்ரேனியர்கள் தற்காப்புப் படைகளில் இணைந்திருப்பதை அவர் சுட்டினார்.
ரஷ்யாவுக்கும் உக்ரேனுக்கும் இடையிலான இந்த மோதல் எவ்வாறு முடியும் என்று யாருக்கும் தெரியாது என்று கூறிய திருவாட்டி ஸெலென்கோ, உக்ரேனுக்கு எதிராக ரஷ்யா முழு அளவிலான போரைத் தொடுத்துள்ளதாகத் தெரிவித்தார். போரின் காரணமாக உக்ரேனுக்குப் பேரிழப்பு ஏற்படும் என்றார் அவர்.
ரஷ்யாவின் நடவடிக்கைகளுக்குப் பல நாடுகள் கண்டனம் தெரிவித்து வங்கிகள், ராணுவம் தொடர்பான ஏற்றுமதிகள் ஆகியவற்றுடன் ரஷ்ய அதிபர் விளாடிமிர் புட்டினுக்கு மிகவும் நெருக்கமானவர்களையும் குறிவைத்து தடைகளை விதித்துள்ளன.
ஆனால் ஒரு வங்கியிலிருந்து இன்னொரு வங்கிக்குப் பணம் அனுப்பி கட்டணம் செலுத்தும் முறை தொடர்பில் ரஷ்யாவுக்குத் தடை விதிக்கப்படவில்லை.
அவ்வாறு செய்தால் ரஷ்ய நிறு
வனங்களுக்கு வழங்கிய கடனை ஐரோப்பிய அமைப்புகளால் திரும்ப பெற முடியாது.
அதுமட்டுமல்லாது, மாற்று கட்டணம் செலுத்தும் முறையையும் ரஷ்யா உருவாக்கியுள்ளது.
கூடுதல் தடைகளை விதித்த ஆஸ்திரேலியா
இதற்கிடையே, ரஷ்யாவுக்கு எதிராக ஆஸ்திரேலியா கூடுதல் தடைகளை விதித்துள்ளது. ரஷ்யாவில் உயர்மட்ட சமூகத்தினரையும் நாடாளுமன்ற உறுப்பினர் களையும் குறிவைத்து தடைகள் விதிக்கப்பட்டன.
"நட்பு நாடுகளுடன் இணைந்து ரஷ்யாவுக்கு எதிராக மேலும் பல தடைகளை ஆஸ்திரேலியா விதிக்கும். உக்ரேன் மீது போர் தொடுத்துள்ள ரஷ்யாவுக்குத் தொடர்ந்து நெருக்குதல் அளிக்கப்படும்," என்று ஆஸ்திரேலியப் பிரதமர் ஸ்காட் மோரிசன் தெரிவித்தார்.
ரஷ்யாவுக்கு உதவும் பெல
ருஸைச் சேர்ந்த முக்கியமான தனி
நபர்கள் மற்றும் அமைப்புகளுக்கு எதிராகவும் தடைகள் விதிக்க அமெரிக்காவுடன் இணைந்து செயல்பட்டு வருவதாக ஆஸ்திரேலியா கூறியது. உக்ரேனுக்குத் தேவையான மருத்துவச் சாதனங்களை ஆஸ்திரேலியா அனுப்ப இருக்கிறது. வர்த்தகத் தடை களையும் மீறி ரஷ்யாவிடமிருந்து கோதுமையை இறக்குமதி செய்யும் சீனாவை திரு மோரிசன் சாடினார். சீனா செய்வது ஏற்றுக்கொள்ள முடியாத ஒன்று என்றார் அவர்.