ஆயு­தம் ஏந்தி கள­மி­றங்­கும் உக்­ரே­னி­யர்­கள்

கியவ்: ரஷ்ய படை­களை எதிர்க்க, உக்­ரே­னிய குடி­மக்­கள் ஆயு­தங்­கள் ஏந்தி தங்­கள் நாட்­டைத் தற்­காக்­கக் களம் இறங்­கி­யுள்­ள­னர்.

தம் வாழ்­நா­ளில் துப்­பாக்­கி­யைத் தொடாத யூரிய் கொர்ச்­செம்னி, 35, நேற்று நீள்­துப்­பாக்கி பயிற்­சி­யில் ஈடு­பட்­டார்.

உக்­ரே­னின் புதிய தற்­காப்­புத் தொண்­டூ­ழி­யர் படை­யில் சேர்ந்­தி­ருக்­கும் ஆயி­ரக்­க­ணக்­கா­னவர்­க­ள­ளில் அவ­ரும் ஒரு­வர்.

உக்­ரே­னிய படை­க­ளுக்கு உதவ முன்­வ­ரு­மாறு அழைப்பு விடுத்­துள்ள உக்­ரே­னிய அர­சாங்­கம் அவர் களுக்கு ஆயு­தங்­களை வழங்­கி­ வ­ரு­கிறது.

ஆண்­களும் சில பெண்­களும் துப்­பாக்கி சுட­வும் வெடி­குண்டு வீச­வும் பயிற்சி பெற்று வரு­கின்­ற­னர்.

ஐம்­பது அறு­பது வய­து­மிக்­க­வர்­களும் இப்­ப­டை­களில் சேர்ந்து சுற்­றுக்­கா­வல் பணி­யில் ஈடு­பட்டு வரு­கின்­ற­னர்.

கிய­வில் உக்­ரே­னிய அதி­பர் அலு­வ­ல­கத்­துக்கு அரு­கில் உள்ள சாலை­யில் ரஷ்­யப் படை­களை எதிர்த்து சண்­டை­யிட்ட உக்­ரே­னிய தொண்­டூ­ழி­யர் சுட்டு வீழ்த்­தப்­பட்­டார். மேலும் ஒரு­வரை ரஷ்ய போர் வாக­னங்­கள் சுட்­டுக் கொன்­ற­தைப் பார்த்­த­தாக ஏஎ­ஃப்பி நிரு­பர் ஒரு­வர் தெரி­வித்­தார்.

தாய்­நாட்­டைக் காக்க உக்­ரே­னிய ராணு­வ­வீ­ரர்­கள் போராடி உயிர்­நீத்த தனிப்­பட்ட சம்­ப­வங்­களும் கவ­னம் பெற்று வரு­கின்­றன.

ரஷ்ய ராணு­வத்­தின் டாங்­கு­கள் உக்­ரே­னுக்­குள் நுழை­வ­தைத் தடுக்க, கிரை­மி­யாவை உக்­ரே­னின் மற்ற பகு­தி­க­ளு­டன் இணைக்­கும் பாலத்தை வெடி­வைத்து தகர்க்க முன்­வந்­தார் உக்­ரே­னிய ராணுவ வீரர் ஒரு­வர். ஆனால் வெடி­குண்டு வெடிப்­ப­தற்­குள் பாலத்­தி­லி­ருந்து தப்­பிக்க முடி­யா­மல் அவர் உயிர் இழந்­தார்.

கடற்­படை பொறி­யி­யல் நிபு­ண­ரான விட்­டலி ஸ்காக்­குன் வொலோ­டி­மி­ரோ­சிவ் செய்த அந்த உயிர்த் தியா­கத்­தால் ரஷ்­யப் படை­கள் உக்­ரே­னுக்­குள் நுழை­வது தள்­ளிப் போனது.