சிக்கலில் தவிக்கும் மரியபோல்

லிவிவ்: மரி­ய­போல் நக­ரில் நிலைமை மிக­வும் சவா­லாக இருந்து வரு­வ­தாக உக்­ரேன் கூறி­யுள்­ளது. பொது­மக்­களை வெளி­யேற்­று­வ­தற்­கான பாது­காப்­புப் பாதை­யைத் தன்­னால் அமைக்க முடி­ய­வில்லை என்று அது சொன்­னது. சர­ண­டைய ரஷ்யா கொடுத்த கெடுவை உக்­ரேன் ஏற்­றுக்­கொள்­ளா­த­தைத் தொடர்ந்து இந்­நிலை உரு­வா­கி­யுள்­ள­தா­கத் தெரி­விக்­கப்­பட்­டது.

மரி­ய­போ­லில் ஒரு பெரிய மனி­தா­பி­மான நெருக்­கடி நில­வு­வ­தாக ரஷ்யா முன்­ன­தாக எச்­ச­ரித்­தது. அத­னால் சிங்­கப்­பூர் நேரப்­படி நேற்று காலை 11 மணிக்­குள் சர­ண­டை­யு­மாறு அந்­ந­கர வாசி­க­ளுக்கு அது கெடு விதித்­தது.

அதை ஏற்­றுக்­கொள்­ளா­தோ­ருக்­குப் பாது­காப்­புப் பாதை­வழி வெளி­யேற அனுமதி வழங்­கப்­ப­டாது என்றும் ரஷ்யா குறிப்பிட்டது.

உக்­ரே­னுக்­கும் ரஷ்­யா­வுக்­கும் இடையே நடை­பெற்­று­வ­ரும் அமை­திப் பேச்­சு­வார்த்­தை­யில் அதிக முன்­னேற்­றம் இல்லை என்று கிரெம்­ளின் தெரி­வித்­தது. பேச்­சு­வார்த்­தை­யில் ரஷ்­யா­வுக்­குப் பொருந்­தாத பரிந்­து­ரை­களை கியவ் முன்­வைத்து வரு­வ­தாக மாஸ்கோ குறை­கூ­று­கிறது.

தான் பேச்­சு­வார்த்­தைக்­குத் தயா­ராக இருந்­தா­லும் சர­ண­டை­யவோ ரஷ்யா விடுக்­கும் கெடுவை ஏற்றுக்­கொள்­ளவோ போவ­தில்லை என்று உக்­ரேன் சொல்­கிறது.

இதற்­கி­டையே, ரஷ்யா மீது மேலும் சில தடை உத்­த­ர­வு­க­ளைப் பிறப்­பிப்­பது குறித்து கலந்­து­பேச ஐரோப்­பிய ஒன்­றிய நாடு­க­ளின் வெளி­யு­றவு, தற்­காப்பு அமைச்­சர்­கள் சந்­திக்­கத் திட்­ட­மிட்­ட­னர். கச்சா எண்­ணெய் தொடர்­பி­லும் ரஷ்யா மீது தடை உத்­த­ர­வு­க­ளைப் பிறப்­பிப்­பது குறித்து அவர்­கள் ஆலோ­சிப்­ப­தா­கத் தெரி­விக்­கப்­பட்டது.