செல்சி காற்பந்துக் குழு டிக்கெட்டுகள் விற்க அனுமதி

லண்­டன்: இங்­கி­லி‌ஷ் பிரி­மி­யர் லீக்­கின் செல்சி காற்­பந்­துக் குழு­வின் ரசி­கர்­கள், இனி அக்­கு­ழு­வின் ஆட்­டத்தை நேரில் கண்­டு­க­ளிக்க டிக்­கெட்­டு­களை வாங்­க­மு­டி­யும்.

அக்­கு­ழு­வின் சிறப்பு உரி­மம் தொடர்­பில் பிரிட்­டி‌ஷ் அர­சாங்­கம் சில மாற்­றங்­களைக் கொண்டு வந்­துள்ள நிலை­யில் இது சாத்­தி­ய­மா­கிறது.

ஆனால் செல்சி குழு எதி­ரணி மண்­ணில் விளை­யா­டும் ஆட்­டங்­க­ளுக்­கான டிக்­கெட்­டு­களை மட்­டுமே செல்சி ரசி­கர்­க­ளால் வாங்­க­மு­டி­யும். அதே சம­யம், செல்­சி­யின் சொந்த அரங்­க­மான ஸ்டாம்­ஃபோர்ட் பிரிட்­டி­ஜில் நடை­பெ­றும் ஆட்­டங்­க­ளுக்­கான டிக்­கெட்­டு­களை எதி­ரணி ரசி­கர்­கள் மட்­டுமே வாங்­க­மு­டி­யும்.

இந்த டிக்­கெட்டு விற்­பனை மூலம் கிடைக்­கும் வரு­வாய் செல்சி குழு­விற்­குக் கிடைக்­காது. மாறாக, அப்­போட்­டியை நடத்­தும் ஏற்­பாட்­டா­ளர்­க­ளுக்கே அது போய்ச் சேரும் என்று அந்­நாட்­டின் மின்­னி­யல், கலா­சார, ஊடக, விளை­யாட்­டுத் துறை தெரி­வித்­தது.

செல்சி சீசன் டிக்­கெட் வைத்­தி­ருப்­ப­வர்­களும் தடை உத்­த­ர­வுக்கு முன்பு டிக்­கெட் வாங்­கிய உள்­ளூர் ரசி­கர்­களும் சொந்த அரங்­கில் நடை­பெ­றும் ஆட்­டங்­களைக் கண்­டு­க­ளிக்­க­லாம்.

ரியால் மட்­ரிட் குழு­விற்கு எதி­ராக ஏப்­ரல் 6ஆம் தேதி சொந்த மண்­ணில் நடை­பெ­றும் சாம்­பி­யன்ஸ் லீக்­கின் காலி­று­திப் போட்­டி­யி­லும் 10 நாள்­கள் கழித்து கிரிஸ்­டல் பேல­சிற்கு எதி­ராக வெம்­ப­ளே­வி­லும் விளை­யா­ட­வுள்­ளது செல்சி.

உக்­ரேன்­மீ­தான ர‌ஷ்­யா­வின் படை­யெ­டுப்­பிற்­குப் பிறகு, அதன் ர‌ஷ்ய உரி­மை­யா­ளர் ரோமன் அப்­ர­மோ­விச்­சிற்கு பிரிட்­டி‌ஷ் அர­சாங்­கம் தடை விதித்­தது. இத­னால் செல்சி குழு­வால் போட்­டிக்­கான டிக்­கெட்­டு­களை விற்­க­மு­டி­யா­மல் இருந்­தது.