மாணவர் முரசு
இ-பேப்பர்
லாஸ் ஏஞ்சலிஸ்: ஆஸ்கார் விருது நிகழ்ச்சியில் நினைத்துப் பார்க்காத ஒன்று நிகழ்ந்தது. தமது
மனைவியைக் கேலி செய்தவரை பிரபல ஹாலிவுட் நடிகர் வில் ஸ்மித் அறைந்தார். வில் ஸ்மித்தின் மனைவியான ஜடா பிங்கெட் ஸ்மித்துக்கு தலைமுடி கொட்டும் பிரச்சினை உள்ளது. அதனால் அவர் மொட்டை அடித்துள்ளார். இந்நிலையில், ஜடா பிங்கெட்டின் மொட்டைத் தலையை மேடையில் இருந்த நகைச்சுவை நடிகர் கிறிஸ் ராக் கேலி செய்தார்.
அதைக் கேட்டு வில் ஸ்மித் அவரை நோக்கிச் சென்றார். யாரும் எதிர்பார்க்காத வகையில் ராக்கின் முகத்தில் அறை விழுந்தது. ராக் உட்பட அரங்கத்தில் இருந்தோர் அனைவரும் அதிர்ச்சியில் சிறிது நேரம் உறைந்தனர். ராக்கை அறைந்ததும் உடனடியாக தமது இருக்கைக்குத் திரும்பினார் வில் ஸ்மித். வெறும் நகைச்சுவைக்காக அவ்வாறு பேசியதாக ராக் தெரிவித்தபோது, தமது மனைவியைப் பற்றி எதுவும் பேச வேண்டாம் என வில் ஸ்மித் சினங்கொண்டு
கத்தினார். வில் ஸ்மித்துக்கு எதிராகப் புகார் செய்யப்போவதில்லை என்று ராக் தெரிவித்திருப்பதாக லாஸ் ஏஞ்சலிஸ் காவல்துறை
கூறியது.