மாணவர் முரசு
இ-பேப்பர்
பெட்டாலிங் ெஜயா: அண்மையில் நடைபெற்ற ஆஸ்திரேலிய தேர்தலில் மலேசியர்கள் இருவர் வெற்றி பெற்று சாதனை படைத்துள்ளனர்.
இதில் மூத்த அரசியல்வாதியான திருவாட்டி பென்னி வோங் அந்நாட்டில் ஆண்டனி லெபனிஸ் தலைமையிலான தொழிற்கட்சி அரசில் வெளியுறவு அமைச்சராகப் பதவி ஏற்றிருப்பது குறிப்பிடத்தக்கது.
ஆஸ்திரேலியாவின் அடிலெய்ட் பல்கலைக்கழகத்தில் கலைகள் மற்றும் சட்டக் கல்வி கற்ற திருவாட்டி பென்னி வோங் சாபா மாநிலத்தின் கோத்தாகினபாலுவில் பிறந்தவர். இவர் எட்டு வயது சிறுமியாக இருக்கும்போது தமது தாயாருடன் ஆஸ்திரேலியாவுக்கு குடிபெயர்ந்தார்.
மலேசியாவின் புகழ்பெற்ற கட்டடக் கலை நிபுணரான திரு ஃபிரான்சிஸ் வோங்கின் மகளாவார் திருவாட்டி பென்னி.
மலேசியாவின் த ஸ்டார் செய்தித்தாளுக்கு 2007ஆம் ஆண்டு பேட்டி அளித்த திரு ஓங், தமது மகள் நினைத்ததை செய்து முடிப்பவர் என்றும் அவர் அரசியல்வாதியாக உருவெடுப்பார் எனத் தாம் நினைக்கவில்லை என்றும் கூறினார்.
"அவர் ஒரு மருத்துவராக வரவேண்டும் என நான் விரும்பினேன். அவரும் முதலில் மருத்துவக் கல்விக்கு பதிந்துவிட்டு பின்னர், மாணவர் பரிமாற்றத் திட்டமாக பிரேசில் சென்று அங்கு மக்களுக்கு உதவி தேவையாய் இருப்பதைக் கண்டு, சட்டக் கல்விக்கு மாறினார்," என்று திரு வோங் விளக்கினார்.
இதற்கிடையே, மலேசியாவைச் சேர்ந்த 60 வயது திரு சேம் லிம், மேற்கு ஆஸ்திரேலியாவின் டேங்னி தொகுதி நாடாளுமன்ற உறுப்பினராக தேர்வுபெற்றுள்ளார்.
ஜோகூரில் பிறந்த இவர் காவல்துறை அதிகாரியாக பல இன சமுதாயங்களில் சிறப்பாக பணிபுரிந்த தற்காக விருது பெற்றார்.
இவர் தேர்தலில் முன்னாள் பிரதமர் திரு ஸ்காட் மோரிசனின் ஆலோசகரான திரு பென் மோர்ட்டன் என்பவரைத் தேர்தலில் தோற்கடித்து பலரையும் ஆச்சரியத்தில் ஆழ்த்தினார்.
