சிரமத்தை எதிர்நோக்கும் ஐரோப்பா

லண்­டன்: ஐரோப்­பா­வின் பல பகுதி­களில் தற்­போது மோச­மான அனல் காற்று வீசு­கிறது. அங்கு வெப்­ப­நிலை 40 டிகிரீ செல்­சி­ய­சைத் தொடும் என்று எதிர்­பார்க்­கப்­ப­டு­கிறது.

ஆனால் இப்­போதே குளிர்­காலத்­தில் நிக­ழக்­கூ­டிய இயற்கை எரி­வாயு பற்­றாக்­கு­றை­தான் ஐரோப்­பிய நாடு­க­ளின் அர­சாங்­கங்­க­ளுக்­குப் பெரிய கவ­லை­யாக இருந்து வரு­கிறது. ஐரோப்­பா­விற்கு இயற்கை எரி­வா­யுவை விநி­யோ­கிப்­பதை ரஷ்யா முழ­மை­யாக நிறுத்­தி­வி­டும் என்று எதிர்­பாக்­கப்­ப­டு­வது இதற்­குக் கார­ணம்.

அத­னால் குளிர்­கா­லத்­தில் மக்­க­ளுக்­குத் தங்­கள் வீடு­களில் வெப்­ப­நி­லையை அதி­க­ரிப்­ப­தற்­குப் போது­மான வசதி இல்­லா­மல் போகும் என்ற அச்­சம் எழுந்­துள்­ளது.

சுமார் 18 மாதங்­க­ளுக்கு முன்பு ஐரோப்­பா­விற்கு இயற்கை எரி­வாயு விநி­யோ­கிப்­பதை ரஷ்யா குறைக்­கத் தொடங்­கி­யது. இதற்­குப் பின்­னால் உள்ள கார­ணங்­கள் அதி­கம் புலப்­ப­ட­வில்லை.

கடந்த பிப்­ர­வரி மாதம் உக்­ரேன் மீது ரஷ்யா படை­யெ­டுத்­த­தைத் தொடர்ந்து ரஷ்யா மீது ஐரோப்பா பல தடை உத்­த­ர­வு­க­ளைப் பிறப்­பித்­தது. அதற்­குப் பிறகு அம்­மா­நி­லத்­திற்கு இயற்கை எரி­வாயு விநி­யோ­கிப்­பதை ரஷ்யா மேலும் குறைத்­தது.

இந்­தப் பிரச்­சி­னைக்­குத் தீர்­வு­காண மாற்று ஏற்­பா­டு­க­ளைச் செய்து­கொள்­வ­தற்­கான வாய்ப்­பு­களும் ஐரோப்­பா­வி­டம் அதி­கம் இல்லை என்று தெரி­விக்­கப்­பட்­டுள்­ளது. சென்ற ஆண்டு ஐரோப்­பா­வில் 538 பில்­லி­யன் கியூ­பிக் மீட்­டர் அளவு இயற்கை எரி­வாயு பயன்­ப­டுத்­தப்­பட்­டது. அதில் சுமார் கால் பங்கு ரஷ்­யா­வி­ட­மி­ருந்து தரு­விக்­கப்­பட்­டது.

அது­வும் ஐரோப்­பா­வின் ஆகப் பெரிய பொரு­ளி­ய­லான ஜெர்­ம­னிக்­குத் தேவைப்­படும் இயற்கை எரி­வா­யு­வில் பாதிக்­கும் மேல் ரஷ்­யா­வி­லி­ருந்து இறக்­கு­ம­தி­யா­கிறது. பிரச்­சி­னை­யைக் கையாள பரு­வ­நிலை மாற்­றம் தொடர்­பி­லான தனது இலக்­கு­க­ளைத் தற்­போ­தைக்­கா­வது தள்­ளு­படி செய்­து­விட்டு பற்­றாக்­கு­றை­யைக் கையாள தனது எரி­சக்தி ஆலை­களில் கரி­மத்­தை­யும் எண்­ணெய்­யை­யும் எரிக்க ஜெர்­மனி முடி­வு­செய்­தது.

எனி­னும், பிரச்­சி­னையை அவ்­வளவு எளி­தில் சரி­செய்ய முடி­யாது எனக் கரு­தப்­ப­டு­கிறது. இயற்கை எரி­வா­யுவை ஏற்­று­மதி செய்­வதை ரஷ்யா நிறுத்­தி­னால் குளிர்­கா­லத்­தில் ஜெர்­மனி போன்ற நாடு­கள் பெரும் இன்­ன­லுக்கு உள்­ளா­கும்.

இதற்­கி­டையே, ஐரோப்­பா­வில் தற்­போது வர­லாறு காணாத அள­வில் வெப்­ப­நிலை பதி­வாகி வருகிறது.

பிரான்­சின் சில பகு­தி­களில் இவ்­வா­ர­மும் அடுத்த வார­மும் வெப்­ப­நிலை 40 டிகிரி செல்­சி­ய­சைத் தொடக்­கூ­டும் எனக் கணிக்­கப்­பட்­டுள்­ளது. இத்­தாலி, ஸ்பெ­யின் போன்ற நாடு­களும் அவ­திப்­படுகின்றன.

ரஷ்யாவிலிருந்து இயற்கை எரிவாயு விநியோகம் நிறுத்தப்படவுள்ளது