1எம்டிபி வழக்கும் நஜிப் ரசாக்கின் பங்கும்

உல­கையே திரும்­பிப் பார்க்க வைத்த மலே­சி­யா­வின் 1ஐஎம்­டிபி வழக்­கில் உயர் அதி­கா­ரி­கள் பல பில்­லி­யன் டாலரை அர­சாங்­கத்­தி­ட­மி­ருந்து கள­வா­டி­ய­தா­கக் குற்­றஞ்­சாட்­டப்­பட்­டது. 1ஐஎம்­டிபி வழக்கு பற்றி தமிழ் முரசு விளக்­கு­கிறது.

1ஐஎம்­டிபி, மலே­சிய முத­லீட்­டா­ளர் திரு ஜோ லோவின் உத­வி­யு­டன் மலே­சிய அர­சாங்­கம் தொடங்­கிய முத­லீட்டு நிதி­யா­கும்.

2009ல் திரு நஜிப் ரசாக் பிர­த­ம­ரா­கப் பத­வி­யேற்ற சில நாளி­லேயே அவர் அந்த நிதியை லோவு­டன் சேர்ந்து தொடங்­கி­னார். முத­லீட்­டுத் திட்­டங்­க­ளுக்­கா­க­வும் கூட்டுத் திட்­டங்­க­ளுக்­கா­க­வும் பல பில்­லி­யன் டாலர் பங்­குப் பத்­தி­ரங்­களை 1ஐஎம்­டிபி விற்­றது.

மலே­சி­யா­வி­லும் மத்­திய கிழக்கு நாடு­க­ளி­லும் உள்ள எரி­சக்தி ஆலை­களில் 1ஐஎம்­டிபி முத­லீடு செய்­தது. கோலா­லம்­பூ­ரில் சொத்­து­க­ளி­லும் அது பணம் போட்­டது. 1ஐஎம்­டிபி ஆலோ­சனை மன்­றத்­தில் 2016ஆம் ஆண்டு வரை பொறுப்பு வகித்த திரு நஜிப் அதை அணுக்­க­மா­கக் கண்­கா­ணித்­தார்.

ஆனால் பிற­நா­டு­க­ளின் வங்­கிக் கணக்­கு­க­ளுக்­கும் போலி நிறு­வ­னங்­க­ளுக்­கும் 4.5 பில்­லி­யன் டாலர் (S$6.3 பில்­லி­யன்) திருப்­பி­வி­டப்­பட்­ட­தா­கக் அமெ­ரிக்க நீதித் துறை கூறி­யது.

அர­சி­யல் திருட்­டின் தொடர்­பில் அமெ­ரிக்க நீதித் துறை நடத்­திய ஆகப் பெரிய விசா­ரணை அது. மேலும் பல பில்­லி­யன் டாலர் பணத்­தைக் காண­வில்லை என்று மலே­சிய அதி­கா­ரி­கள் கூறு­கின்­ற­னர்.

அந்­தப் பணத்தை வைத்து 250 மில்­லி­யன் அமெ­ரிக்க டால­ருக்கு சொகு­சுப் படகு, தனி­யார் விமா­னம், சொத்­து­கள், நகை­கள், புகழ்­பெற்ற ஓவி­ய­ரான வான் கோ வரைந்த சித்­தி­ரம் உள்­ளிட்­ட­வற்றை லோவும் அவ­ரது சகா­கக்­களும் வாங்­கி­னர் என்று குற்­றச்­சாட்­டப்­பட்­டுள்­ளது.

2013ல் 'தி வூல்ஃப் ஆஃப் வால் ஸ்தி­ரீட்' எனும் ஹாலி­வுட்­ திரைப்­ப­டத்­தில் பணம் போட­வும் 1ஐஎம்­டிபி பணம் பயன்­பட்­ட­தாக என்று அமெ­ரிக்­கா­வில் தொடுக்­கப்­பட்ட வழக்­கு­கள் கூறு­கின்­றன.

தலை­ம­றை­வா­கி­விட்ட ஜோ லோவுக்கு எதி­ராக மலே­சி­யா­வி­லும் அமெ­ரிக்­கா வி­லும் பல்­வேறு குற்­றச்­சாட்­டு­கள் உள்­ளன. லோ சீனா­வில் தங்­கி­யுள்­ளார் என்று கூறப்­ப­டு­வதை பெய்­ஜிங் மறுத்து வரு­கிறது.

திரு நஜிப் 1ஐஎம்­டி­பி­யி­லி­ருந்து ஒரு பில்­லி­ய­னுக்கு மேல் பணத்­தைச் சட்­ட­ விரோத­மா­கப் பெற்­றார் என்று மலே­சிய அர­சாங்­கம் கூறி­யுள்­ளது. அமெ­ரிக்­கா­வில் உள்ள வழக்­கு­களில் மலே­சிய அதி­காரி 1 எனும் நகர் ஒரு பில்­லி­யன் டால­ரைச் சட்­ட­வி­ரோ­த­மா­கப் பெற்­றார் என்­றும் அதில் ஒரு தொகையில் மனை­விக்கு நகை வாங்­கி­னார் என்­றும் குறிப்­பி­டப்­ப­டு­கிறது.

மலே­சி­யா­வில் 2013ஆம் ஆண்டு நடந்த பொதுத்தேர்­த­லுக்கு முன்­னர், அந்நபர் US$681 மில்­லி­யனைப் பெற்­றார் என்­றும் கூறப்­பட்டது.

1ஐஎம்­டிபி மோச­டி­யால் மலே­சிய மக்­கள் கோபம் அடைந்­தி­ருந்த நிலை­யில் 2018ஆம் ஆண்டு பொதுத் தேர்­த­லில் நஜிப்­புடன் அவர் அப்­போது தலைமை வகித்த அம்னோ கட்­சியும் தோல்வி அடைந்­த­து. ஆட்சி மாறி முன்­னாள் பிர­த­மர் டாக்­டர் மகா­தீர் முகம்­மது மீண்­டும் பத­விக்கு வந்­தார்.

1ஐஎம்­டி­பி­யி­லும் மற்ற அர­சாங்க நிறு ­வ­னங்­க­ளி­லும் ஏற்­பட்ட இழப்­பின் தொடர்­பில் திரு நஜிப் மீது 42 குற்­றச்­சாட்­டு­கள் சுமத்­தப்­பட்­டன. அவர் மீதான ஐந்து வழக்கு களி­லும் அவர் குற்­ற­வாளி என்று நிரூ­பிக்­கப்­பட்­டால், அவர் பல்­லாண்­டு­கள் சிறை­யில் இருக்க வேண்டி வரும். பெரும்பணம் அப­ரா­த­மாக விதிக்­கப்­படும்.

2020 ஜூலை மாதம், முதல் வழக்­கில் தீர்ப்­ப­ளிக்­கப்­பட்­டது. நம்­பிக்கை மோசடி, அதி­கா­ரத்­தைத் தவ­றாக பயன்­ப­டுத்­து­தல், கள்­ளப் பணத்தை நல்ல பண­மாக மாற்­று­தல் ஆகிய குற்­றங்­களை திரு நஜிப் புரிந்­தார் என்ற நீதி­மன்­றம், அவ­ருக்கு 12 ஆண்­டு­ சிறை­யும் 210 மில்­லி­யன் ரிங்­கிட் அப­ரா­த­மும் விதித்­தது.

கடந்த ஆண்டு மேல்­மு­றை­யீட்டு நீதி­மன்­றம் அதை உறுதி செய்­தது. நேற்று மத்­திய நீதி­மன்­றம் திரு நஜிப்­பின் இறுதி மேல்­மு­றை­யீட்டை நிரா­க­ரித்­ததை அடுத்து அவர் சிறைக்கு அனுப்­பப்­பட்­டார்.

திரு நஜிப் தமக்கு எதி­ரான எல்லா குற்­றச்­சாட்­டு­க­ளை­யும் மறத்­துள்­ளார்.

1ஐஎம்டி நிதி மோசடி வழக்கில் திரு நஜிப் குற்றவாளி என்று நிரூபனமானாலும் மக்­களில் சிலரிடமும் அம்னோவிலும் அவ ருக்கு தொடர்ந்து செல்­வாக்கு உள்­ளது.