தற்காப்பிற்குக் கூடுதல் நிதி ஒதுக்கும் தைவான்

தைப்பே: தைவான் அடுத்த ஆண்டு அதன் தற்­காப்­பிற்கு சாதனை அள­வாக NT$586.3 பில்­லி­யன் (S$27 பி.) நிதி ஒதுக்க பரிந்­து­ரைத்­து உள்­ளது. தைவா­னைச் சுற்றி சீனா போர் ஒத்­தி­கை­யில் ஈடு­பட்­ட­தைத் தொடர்ந்து இந்த அறி­விப்பு வெளி­யா­கி­யுள்­ளது.

தைவான் அதி­பர் சாய் இங் வென்­னின் அமைச்­ச­ரவை தற்­காப்­பிற்­குப் பரிந்­து­ரைத்­துள்ள இந்த நிதி ஒதுக்­கீடு, ஆண்டு அடிப்­படை­யில் 13.9 விழுக்­காடு அதி­கம்.

புதிய போர் விமா­னங்­க­ளை­யும் இதர உப­க­ர­ணங்­க­ளை­யும் வாங்க NT$108.3 பில்­லி­யன் ஒதுக்­கு­வ­தும் இதில் அடங்­கும்.

தைவான் அதன் தற்­காப்­பிற்கு ஒதுக்­கும் நிதி, 2017லிருந்து தொடர்ச்­சி­யாக ஆறா­வது ஆண்­டாக அதி­க­ரித்­துள்­ளது. இந்த நிதி ஒதுக்­கீட்­டிற்கு நாடா­ளு­மன்றம் ஒப்­பு­தல் அளிக்க வேண்­டும்.

தைவான் அதன் தற்­காப்­பிற்கு ஒதுக்­கும் நிதி, 2017லிருந்து அண்­மைய ஆண்­டு­கள் வரை 4 விழுக்­காட்­டிற்­கும் குறை­வாக வளர்ச்சி கண்டு வந்­தது. ஆனால், இம்­முறை அதி­க­ரிப்பு ஈரி­லக்­கத்தை எட்­டி­ உள்­ளது.

தற்­காப்­புக்­காக ஒதுக்­கப்­படும் நிதி பெரும்­பா­லும் செயல்­பாட்­டுச் செல­வு­க­ளுக்­காக பயன்­ப­டுத்­தப்­படும் என்று தைவான் புள்­ளி­விவரத்­துறை அமைச்­சர் சூ சர் மிங் கூறி­னார்.

இதற்­கி­டையே, சீனா அதன் தற்­காப்­புக்­காக இவ்­வாண்டு 7.1 விழுக்­காடு கூடு­த­லாக செல­வ­ழிக்­கப் போவ­தாக கடந்த மார்ச் மாதம் கூறி­யி­ருந்­தது. தற்­காப்­பிற்­காக அதன் செல­வி­னம் 1.45 டிரில்­லி­யன் யுவா­னாக (S$294.5 பி.) இருக்­கும்.

தைவான் அருகே சீனா ராணுவ நட­வ­டிக்­கை­க­ளைக் குறைத்­துள்ள போதி­லும் அவை தொடர்ந்து இடம்­பெற்று வரு­கின்­றன.

சீனா­வின் ஃபூஜியான் மாநி­லத்­தின் கரை­யோ­ரப் பகு­தி­யில் இன்றும் நாளை­யும் நேர­டிப் போர்ப் பயிற்சி நடத்­தப்­படும் என்று ஃபூஜியான் அதி­கா­ரி­கள் நேற்று முன்­தி­னம் அறி­வித்து இருந்­த­னர்.

தைவா­னிய ஆயு­தப் படை­களை நவீ­ன­ம­ய­மாக்­கு­வ­தற்கு அதி­பர் சாய் முன்­னு­ரிமை அளித்­துள்­ளார்.

மற்­றொரு நில­வ­ரத்­தில், தைவான் அதன் கட­லோ­ரத் தீவு­களில் வானூர்தி தற்­காப்பு முறையை அடுத்த ஆண்டு முடுக்­கி­வி­டத் தொடங்­கும் என்று தற்­காப்பு அமைச்சு தெரி­வித்­தது.

சீனா­வின் கரை­யோ­ரப் பகு­திக்கு அருகே உள்ள காவல் சாவ­டிக்கு மேலே பறந்த ஆளில்லா சீன வானூர்­தியை நோக்கி தைவா­னிய ராணுவ வீரர்­கள் கல்­வீ­சு­வ­தைக் காட்­டும் காணொளி வலம் வந்­த­தைத் தொடர்ந்து இந்த அறி­விப்பு வெளி­யா­கி­யுள்­ளது.

அமெ­ரிக்க நாடா­ளு­மன்ற நாயகர் நேன்சி பெலோசி தைவா­னுக்கு வந்து சென்­றதை அடுத்து, தைவான் அதன் கட­லோ­ரத் தீவு­களில் சீன வானூர்­தி­கள் அடிக்­கடி பறந்து வேவு பார்ப்­பது குறித்து புகார் அளித்­துள்­ளது.