மாணவர் முரசு
இ-பேப்பர்
பேங்காக்: தாய்லாந்து அரசியலில் ராணுவ ஆதிக்கத்தை முடிவுக்குக் கொண்டுவர முற்படும் எதிர்க்கட்சிக்காரர்களைப் பொறுத்தவரை, தாய்லாந்தின் புதிய தற்காலிகத் தலைவரான பிரவித் வோங்சுவன் (படம்), பிரதமர் பதவியில் இருந்து பணி இடைநீக்கம் செய்யப்பட்டு உள்ள பிரயுத் சான் ஓ சான்னிடம் இருந்து அவ்வளவு வேறுபட்டவராக இல்லை.
2014 முதல் 2019ஆம் ஆண்டு வரை ஒரு ராணுவத் தலைவராக திரு பிரயுத்தின் பதவிக்காலம், அரசியல் அமைப்புச் சட்டத்தின்படி பிரதமர் பதவி வகிக்கும் எட்டு ஆண்டுகால தவணைக்காலத்தின் கணக்கில் சேர்க்கப்படுமா என்பது பற்றி நீதிமன்றம் முடிவெடுக்கும்.
2019 முதல் துணைப் பிரதமராக பதவி வகித்து வந்துள்ள திரு பிரவித், 77, திரு பிரயுத்தின் நீண்டகால நண்பராக உள்ளார். மக்களால் தேர்ந்தெடுக்கப்பட்ட அரசாங்கத்தைக் கவிழ்த்து 2014ல் தொடங்கிய திரு பிரயுத்தின் கிட்டத்தட்ட ஐந்தாண்டுகால ராணுவ ஆட்சியில் திரு பிரவித் இடம்பெற்று இருந்தார்.
திரு பிரயுத்தைப் போலவே திரு பிரவித்தும் முன்னாள் ராணுவத் தலைவராவார். ராணுவ ஆட்சிக்கு இவர் மிகவும் விசுவாசமாக இருந்தார்.