மாணவர் முரசு
இ-பேப்பர்
பெட்டாலிங் ஜெயா: முன்னாள் மலேசியப் பிரதமர் நஜிப் ரசாக்கிற்கு வழங்கப்பட்டிருந்த டார்ஜா உத்தமா பாங்குவான் நெகிரி பட்டத்தை பினாங்கு மாநிலம் மீட்டுக்கொண்டுள்ளது. 2009ஆம் ஆண்டு அந்தப் பட்டம் திரு நஜிப்பிற்கு வழங்கப்பட்டிருந்தது.
சில நாள்களுக்கு முன்பு சிலாங்கூர் மாநிலம் திரு நஜிப்பிற்கும் அவரது மனைவி ரோஸ்மா மன்சூருக்கும் தான் வழங்கிய பட்டத்தை மீட்டுக்கொண்டது. அதைத் தொடர்ந்து பினாங்கும் அவ்வாறே செய்திருக்கிறது.
சிறைத் தண்டனை விதிக்கப்பட்டுள்ள திரு நஜிப்பிடமிருந்து டார்ஜா உத்தமா பாங்குவான் நெகிரி பட்டத்தை பினாங்கு மீட்டுக்கொள்வதன் தொடர்பில் அம்மாநிலத்தின் ஆளுநர் ஒப்புக்கொண்டதாக மாநிலச் செயலாளர் ஸாக்குவான் ஸக்காரியா தெரிவித்துள்ளார்.
