அம்னோ தலைவர் விடுவிப்பை எதிர்த்து அரசு மேல்முறையீடு

கோலா­லம்­பூர்: நாற்­ப­துக்­கும் மேற்­பட்ட ஊழல் குற்றச்சாட்டுகளில் இருந்து அம்னோ தலை­வர் அஹ­மட் ஸாஹித் ஹமி­டியை கடந்த வாரம் நீதி­மன்­றம் விடு­வித்­தது.

ஆனால் இதனை எதிர்த்து தலைமை சட்ட அலுவலகம் மேல் முறையீடு செய்துள்ளதாக தகவல் வெளியாகியுள்ளது.

இதற்­கான மனு திங்கள் மாலை 4.40 மணி­ய­ள­வில் தாக்­கல் செய்­யப்­பட்­டதாக பெயர் தெரி­விக்­காத ஒரு தக­வல் உறு­திப்­ப­டுத்­தி­யது.

சென்ற வெள்­ளிக்­கி­ழமை நாற்­பது ஊழல் குற்­றச்­சாட்­டு­களை எதிர்­நோக்­கிய முன்­னாள் துணைப் பிர­த­ம­ரும் உள்­துறை அமைச்­ச­ரு­மான ஸாஹித்தை ஷா அலாம் உயர் நீதி­மன்­றம் விடு­வித்­தது.

அப்­போது தீர்ப்பு வழங்­கிய நீதி­பதி முஹ­மட் யாஸிட் முஸ்­தபா, அடிப்­படை ஆதா­ரங்களை அர­சாங்­கம் நிரூ­பிக்­கத் தவறி விட்­ட­தாக தெரி­வித்­தார்.

மேலும் அவ­ருக்கு எதி­ரான மூன்று முக்­கிய சாட்­சி­கள் நம்­ப­க­மற்ற முறை­யில் இருந்­த­தா­க­வும் அவர் சொன்­னார்.

சீனா­வில் வெளி­நாட்­ட­வர்­களுக்கு விசா வழங்­கும் நிலை­யத்­திற்­கான அனு­ம­தியை நீட்­டிக்­கும் ஒப்­பந்­தத்­திற்­காக தற்­போது 69 வய­தா­கும் ஸாஹிட் லஞ்­சம் பெற்­ற­தாக குற்­றம் சாட்­டப்­பட்­டி­ருந்­தது.

இந்த வழக்­கில் முக்­கிய சாட்­சி­ க­ளாக 'அல்ட்ரா கிரா­னா' என்ற நிறுவனத்தின் நிர்­வாக மேலா­ளர் டேவிட் டான் சியோங் சன், அதன் முன்­னாள் இயக்­கு­நர்­கள் ஹேரி லீ வூய் கியூன், வான் குவோ­ரிஸ் ஷா வான் அப்­துல் கனி ஆகி­யோர் விசா­ரிக்­கப்­பட்­ட­னர்.

மேலும் சாட்­சி­யாக சமர்ப்­பிக்க பற்­று­வ­ரவு பதிவேட்டின் நம்­ப­கத்­தன்மை குறித்தும் நீதி­மன்­றம் சந்­தே­கம் எழுப்­பி­யது.

அதில் சில இடங்­களில் தக­வல்­கள் விடு­பட்­டி­ருந்­தன.

2014, 2017க்கு இடையே அல்ட்ரா கிரா­னா­வி­ட­மி­ருந்து திரு ஸாஹிட், லஞ்­சம் பெற்ற 33 குற்­றச்­சாட்­டு­களை எதிர்­நோக்­கி­னார்.

அதன் மொத்த மதிப்பு 13.56 மில்­லி­யன் வெள்­ளி­யா­கும். அதே நிறு­வ­னத்­தி­ட­மி­ருந்து 3.125 மில்­லி­யன் ரிங்­கிட் மதிப்­புள்ள

சுவிஸ் ஃபிராங்க், அமெ­ரிக்க டால­ராக பெற்ற மேலும் ஏழு ஊழல் குற்­றச்­சாட்­டு­களும் அவர் மீது சுமத்தப்பட்­டி­ருந்­தன.

இந்த வழக்­கி­லி­ருந்து ஸாஹிட் விடு­விக்­கப்­பட்­டா­லும் அவ­ரது தனிப்­பட்ட தொண்டு நிறு­வ­னம் தொடர்­பான நம்­பிக்கை மோசடி, ஊழல், கள்ளப் பணத்தை நல்ல பண­மாக மாற்­றிய வழக்கு இன்­ன­மும் நிலு­வை­யில் உள்­ளது.