மீண்டும் காசநோயால் ஆக அதிக மரணங்கள்

ஜெனீவா: கொவிட்-19 கொள்­ளை­நோய்ப் பர­வ­லைக் கட்­டுப்­ப­டுத்த மாபெ­ரும் அள­வில் முயற்­சி­கள் எடுக்­கப்­பட்­ட­தைத் தொடர்ந்து உல­க­ள­வில் ஆக அதிக மரணங்களை விளைவிக்கக்கூடிய தொற்­று­நோ­யாகக் காச­நோய் மீண்­டும் உரு­வெ­டுத்­துள்­ள­தாக வல்­லுநர் ஒரு­வர் கூறி­யுள்­ளார்.

கொவிட்-19 கொள்­ளை­நோய்ப் பர­வலை நன்கு கையாள எடுக்­கப்­பட்ட முயற்­சி­களை லாப­நோக்­கமற்ற காச­நோய் கூட்­ட­மைப்­பான 'டிபி அல­யன்ஸ்'ஸின் தலை­வர் மெல் ஸ்பி­கல்­மன் பாராட்­டி­னார். எனி­னும், காச­நோ­யைப் பொருத்­த­வரை நிலைமை மோச­மாக இருப்­பதை நேர்­கா­ணல் ஒன்­றில் டாக்­டர் ஸ்பி­கல்­மன் சுட்­டி­னார்.

கொவிட்-19 கிரு­மிப் பர­வல் தலை­தூக்­கு­வ­தற்கு முன்பு காச­நோய்­தான் உல­கில் ஆக அதி­க­மா­னோ­ரைப் பலி­வாங்­கும் தொற்று­நோ­யாக இருந்­தது. ஆண்­டு­தோறும் அதற்கு ஆளா­னோ­ரில் சுமார் 1.5 மில்­லி­யன் பேர் உயி­ரி­ழந்­த­னர்.

இப்­போது உல­க­ள­வில் கொவிட்-19 மர­ணங்­கள் தொடர்ந்து குறைந்­து­வ­ரும் வேளை­யில் ஆக அதி­க­மா­னோ­ரைப் பலி­வாங்­கும் தொற்று நோயா­கக் காச­நோய் மீண்­டும் உரு­வெ­டுத்­துள்­ளதை டாக்­டர் ஸ்பி­கல்­மன் சுட்டினார்.

குறிப்­பாக வறுமை அதி­கம் உள்ள நாடு­க­ளுக்­குக் காச­நோய்க்­கான மலி­வான, வேக­மா­கப் பல­ன­ளிக்­கும் மருந்­து­க­ளைக் கொண்டு சேர்க்­கும் முயற்­சி­யில் ஈடு­பட்­டுள்ள 'டிபி அல­யன்ஸ்', அந்­நோ­யால் தின­மும் சராசரியாக 4,109 பேர் இறப்­பதா­கத் தெரி­வித்­தது. மாறாக, ஜான் ஹோப்­கின்ஸ் பல்­க­லைக்­க­ழ­கத்தன் புள்­ளி­வி­வ­ரங்­க­ளின்­படி கடந்த நான்கு வாரங்களில் தினமும் சராசரியாக சுமார் 1,449 கொவிட்-19 மரணங்கள் பதிவாயின.

எனி­னும், கொவிட்19 தொடர்­பில் இருக்­கும் அக்­கறை காச­நோய்க்கு இல்லை என்று தெரி­விக்­கப்­பட்­டுள்­ளது. மேலும், கொவிட்-19 கொள்­ளை­நோய்ப் பர­வ­லின்­போது காச­நோய்க்கு எதி­ரான போராட்­டத்­தில் பெரும் பின்­னடைவு ஏற்­பட்­ட­தாக டாக்­டர் ஸ்பி­கல்­மன் சொன்­னார்.

கொவிட்-19 போராட்டத்துக்குப் பயன்படுத்தப்பட்ட அதே வளங்கள் இருந்தால் காசநோயை முழுமையாக அழிக்கமுடியும் என்று டாக்டர் ஸ்பிகல்மன் குறிப்பிட்டார்.