செலவினக் குறைப்பு, வரி உயர்வில் பிரிட்டிஷ் பிரதமர் கவனம்

லண்­டன்: பிரிட்­ட­னின் நிதிப் பற்றாக்­கு­றை­யைச் சமா­ளிக்க பிர­த­மர் ரிஷி சுனக் பொரு­ளி­யல் திட்­டம் ஒன்றை வரைந்து வரு­கி­றார்.

இதில் £50 பில்­லி­யன் (S$81.5 பி.) வரை­யிலான வரி உயர்­வும் செல­வி­னக் குறைப்­பும் இடம்­பெ­றக்­கூடும்.

இந்­தத் திட்­டம் சந்­தை­களில் நம்­ப­கத்­தன்­மை­யைப் பெற வேண்டும் என்­ப­தற்­காக பிரிட்­ட­னின் £35 பில்­லி­யன் நிதிப் பற்றாக்­கு­றை­விட அதி­க­மான அளவு பொரு­ளி­யல் தொகுப்­புத் திட்­டத்தை வகுக்க பிர­த­மர் சுனக்­கும் நிதி அமைச்­சர் ஜெரமி ஹண்ட்­டும் விரும்­பு­கின்­ற­னர்.

இந்த விவ­கா­ரம் பற்றி அறிந்த அதி­காரி ஒரு­வர் இத­னைத் தெரி­வித்­தார்.

முன்னைய பிர­த­மர் லிஸ் டிரஸ்­ஸின் 7 வார ஆட்­சி­யில், நிதிச் சந்­தை­களில் ஏற்­ப­டுத்­தப்­பட்ட கொந்­த­ளிப்­பைத் தணிக்க திரு சுனக் முற்­பட்டு வரு­கி­றார்.

திருவாட்டி டிரஸ் அறி­மு­கப்­படுத்திய பெரிய அள­வி­லான வரிக்­கு­றைப்பு நட­வ­டிக்கை, நிதிச் சந்தை­களில் பெரும் குழப்­பத்தை ஏற்­படுத்­தி­யது.

அதோடு, அமெ­ரிக்க டால­ருக்கு நிக­ரான பிரிட்­டிஷ் பவுண்­டின் மதிப்பு முன்­னெப்­போ­தும் இல்­லாத அளவு சரிந்­தது.

பிரிட்­டிஷ் பொரு­ளி­யலை நிர்­வ­கிக்க சரி­யான முடி­வு­களை எடுப்­பதற்­காக, திரு சுனக்­கும் திரு ஹண்ட்­டும் பொரு­ளி­யல் திட்ட அறிக்­கையை அக்­டோ­பர் 31லிருந்து நவம்­பர் 17க்கு ஒத்­தி­வைத்­துள்­ள­னர்.

செல­வி­னத்­தைக் குறைக்க 104 தெரி­வு­கள் கொண்ட பட்­டி­யலை நிதி அமைச்சு வரைந்து உள்­ள­தாக இந்த விவ­கா­ரம் அறிந்த சிலர் இந்த வாரத்தின் முன்பகுதியில் புளூம்­பெர்க் செய்தி நிறு­வ­னத்­திடம் கூறி­யிருந்­த­னர்.