ஜி-20 உச்சநிலை மாநாட்டுக்கு ஆக உயரிய பாதுகாப்பு

நுசா டுவா: இம்­மா­தம் 15, 16ஆம் தேதி­களில் தெய்­வங்­க­ளின் தீவு என்று வர்­ணிக்­கப்­படும் இந்­தோ­னீ­சி­யா­வின் பாலி தீவில் ஜி-20 உச்­ச­நிலை மாநாடு நடை­பெற உள்­ளது. இதை­யொட்டி, அங்கு பாது­காப்­பாக தலை­வர்­களை அழைத்துச் செல்ல மின்­சார வாக­னங்­கள், குதி­ரைப் படை, போர்க்­கப்­பல்­கள், போர் விமா­னங்­கள் என உச்­ச­கட்ட பாது­காப்­புக்கு ஏற்­பாடு செய்­யப்­பட்­டுள்­ளது. பாலி தீவின் நுசா டுவா உல்­லாச வளா­கத்­தில் நடை­பெ­றும் மாநாட்­டுக்கு வரும் உல­கத் தலை­வர்­கள், அவர்­கள் தலைமை தாங்­கும் குழுக்­கள் ஆகி­யோ­ருக்கு பாது­காப்பு வழங்க 18,000க்கும் மேலான காவல் துறை அதி­கா­ரி­கள், ராணுவ வீரர்­கள் பணி­ய­மர்த்­தப்­பட்­டுள்­ள­னர்.

இந்­தப் பாது­காப்பு ஏற்­பாட்­டுக்கு 'ஆப­ரே­ஷன் கிராண்ட் காசல்' எனப் பெய­ரி­டப்­பட்­டுள்­ளது. பாது­காப்­புப் பணி­யில் ஈடு­ப­டு­வோர் வெடி­குண்­டுத் தாக்­கு­தல், பயங்­க­ர­வா­தத் தாக்­கு­தல், இயற்­கைப் பேரி­டர்­கள், ஆர்ப்­பாட்­டங்­கள் அனைத்து வகை அச்­சு­றுத்­தல்­க­ளை­யும் எதிர்­கொள்ள தயார்­நி­லை­யில் உள்­ள­தாக அதி­கா­ரி­கள் கூறு­கின்­ற­னர்.

"நாங்­கள் நம்­பிக்­கை­யு­டன் உள்­ளோம், எங்­கள் நாட்­டில் நடை­பெ­ற­வுள்ள மிகப் பெரிய விழா­வுக்கு நாங்­கள் தயா­ராக இருக்­கி­றோம். இது எங்­கள் நாட்­டுக்கு கிடைத்­துள்ள மிகப் பெரிய கௌர­வம்," என்று தற்­காப்பு அமைச்­சர் பிர­போவோ சுபி­யான்தோ விளக்­கி­னார்.

உல­கின் முக்­கிய பணக்­கார நாடு­க­ளைக் கொண்ட ஜி-20 மாநாட்டை முதன் முத­லாக ஏற்று நடத்­தும் இந்­தோ­னீ­சியா, அதை வெற்­றி­க­ர­மாக நடத்­து­வதை உறுதி செய்ய எல்­லா­வித ஏற்­பா­டு­க­ளை­யும் செய்து வரு­கிறது.

அனைத்­து­லக மாநா­டு­கள், நிகழ்ச்­சி­களை ஏற்று நடத்­து­வ­தில் பாலிக்கு புதி­தல்ல என்­றா­லும், இந்த முறை பாது­காப்பு வளை­யம் மிகக் கடு­மை­யாக இருப்­ப­தாக அந்­தத் தீவில் வசிப்­போர் தெரி­விக்­கின்­ற­னர்.

அமெ­ரிக்க அதி­பர் ஜோ பைடன், சீன அதி­பர் ஸி ஜின்­பிங், பிரிட்­டிஷ் பிர­த­மர் ரிஷி சுனக், பிரான்ஸ் அதி­பர் இம்­மா­னு­வேல் மாக்­ரோன், ஜெர்­மன் அதி­பர் ஓலாஃப் சோல்ஸ், இந்­தி­யப் பிர­த­மர் நரேந்­திர மோடி என குறைந்­தது 17 உல­கத் தலை­வர்­கள் தாங்­கள் மாநாட்­டில் கலந்து­கொள்­ளப் போவ­தாக அறி­வித்­துள்­ள­னர். இந்த மாநாட்­டில் ரஷ்யா-உக்­ரைன் போர் உள்­பட பல்­வேறு முக்­கிய பிரச்­சி­னை­கள் குறித்து ஆலோ­சிக்­கப்­பட உள்­ள­தாக தெரி­கிறது.

பாலி தீவின் ஆகாயவெளி, நீர்­நி­லை­களை 12 போர்க்­கப்­பல்­கள், இரண்டு எஃப்-16 ரக போர் விமா­னங்­கள், 13 ஹெலி­காப்­டர்­கள் பாது­காக்­கும்.

அதே­ச­ம­யம், உயி­ருக்கு ஆபத்து ஏற்­ப­டுத்­தக்­கூ­டிய அவ­ச­ர­நி­லை­க­ளி­லி­ருந்து பேரா­ளர்­க­ளைக் காப்­பாற்ற ஆனோவா ரக கவச வாக­னங்­களும் தயார்­நி­லை­யில் வைக்­கப்­பட்­டுள்­ள­தாக செய்­தித் தக­வல்­கள் கூறு­கின்­றன.

மாநாடு நடை­பெ­றும் நுசா டுவா வளா­கத்­துக்கு அருகே போர்க்­கப்­பல் ஒன்று மாநாட்­டுப் பங்­கேற்­பா­ளர்­க­ளுக்கு சிகிச்சை வழங்க மிதக்­கும் மருத்­து­வ­ம­னை­யாக செயல்­படும். உல­கத் தலை­வர்­க­ளை­யும் மற்­ற பேரா­ளர்­க­ளை­யும் அழைத்­துச் செல்ல 42 மின்­சார வாக­னங்­களும் 126 மோட்­டார்­சைக்­கிள்­க­ளும் ஏற்­பாடு செய்­யப்­பட்­டுள்­ளன.

முக்­கிய மாநாட்­டுக் கூட்­டம் நடை­பெ­றும் பாலி­யின் அபூர்வா கெம்­பின்ஸ்கி ஹோட்­ட­லைச் சுற்­றிய பாது­காப்பு வளை­யத்­தில் நெதர்­லாந்­தில் பரா­ம­ரிக்­கப்­பட்ட உயர்­ரக குதி­ரை­களில் 18 காவல் துறை அதி­கா­ரி­கள் மூன்று பிரி­வு­க­ளாக தொடர் சுற்­றுக் காவ­லில் ஈடு­ப­டு­வர்.

பாலி­யின் கடற்­க­ரைப் பகு­தி­களில் ஆர்ப்­பாட்­டங்­கள், அல்­லது பெரிய அள­வி­லான கல­கங்­களோ ஏற்­பட்­டால் இந்­தக் குதி­ரைப் படைப் பிரிவு பேரு­த­வி­யாக இருக்­கும் என்று நம்­பப்­ப­டு­கிறது. அதே­ச­ம­யம், ஆனோவா கவச வாக­னங்­களும் பேரா­ளர்­களை அவ­சர நிலை­யில் அப்­பு­றப்­ப­டுத்த தயா­ராக வைக்­கப்­பட்­டுள்­ளது. விமான நிலை­யத்­தி­லும் உள்­ளூர், வெளி­நாட்டு வரு­கை­யா­ளர்­களை கண்­கா­ணிக்க உத­வி­யாக முக அடை­யாள வச­தி­யுள்ள புகைப்­ப­டக் கரு­வி­கள் பொருத்­தப்­பட்­டுள்­ள­தாக தெரி­விக்­கப்­பட்­டுள்­ளது.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!