இந்­தோ­னீ­சிய நில­ந­டுக்­கம்: மீட்­புப் பணி­யில் சுணக்­கம்

சியாஞ்­சுர்: இந்­தோ­னீ­சி­யா­வின் மேற்கு ஜாவா­வில் கடந்த திங்­கள்­கி­ழமை ஏற்­பட்ட சக்­தி­வாய்ந்த நில­ந­டுக்­கத்­தில் மாண்­ட­வர்­க­ளின் எண்­ணிக்கை 162ஆக அதி­க­ரித்­துள்­ளது.

சாலைப்­போக்­கு­வ­ரத்து துண்­டிப்பு, மின்­சா­ரத் தடை போன்ற கார­ணங்­க­ளால் மீட்­புப் பணி­யில் சுணக்­கம் ஏற்­பட்­டுள்­ளது. அத்­து­டன் உயிர்­பி­ழைத்­த­வர்­களை சம்­பவ இடங்­களில் இருந்து பாது­காப்­பான இடங்­க­ளுக்கு அழைத்­துச்­செல்­வ­தி­லும் தாம­தம் ஏற்­பட்­டுள்­ளது.

சியாஞ்­சுர் பகு­தி­யில் சாலை­கள் கடு­மை­யா­கச் சேத­ம­டைந்து போக்­கு­வ­ரத்து முடங்­கிப்­போ­யுள்­ளது. அத்­து­டன் சில பகு­தி­க­ளுக்கு மின்­சா­ரம் தடை­பட்டு தொடர்­பு­கள் துண்­டிக்­கப்­பட்­டுள்­ளன. அதன் கார­ண­மாக மீட்­புப்­பணி கடு­மை­யா­கப் பாதிக்­கப்­பட்­டுள்­ளது. கன­ரக வாக­னங்­க­ளின் உத­வி­யு­டன் சேத­ம­டைந்த சாலை­களை சீர­மைக்­கும் பணி துரி­த­மாக நடந்து வரு­கிறது.

இடி­பா­டு­களில் குறைந்­தது 25 பேர் சிக்­கி­யி­ருக்­க­லாம் என்று இந்­தோ­னீ­சி­யா­வின் தேசிய பேரி­டர் துடைப்பு முகவை தெரி­வித்­துள்­ளது. இந்­தத் துய­ரச் சம்­ப­வத்­தில் 2,000க்கு மேற்­பட்ட வீடு­கள் சேத­ம­டைந்­துள்­ள­தாக அந்த முகவை தெரி­வித்­துள்­ளது. இது­வரை 13,000க்கு மேற்­பட்­டோர் பாது­காப்பு மையங்­களில் தங்க வைக்­கப்­பட்­டுள்­ள­தாக மேற்கு ஜாவா ஆளு­நர் ரிட்­வான் காமில் தெரி­வித்­துள்­ளார்.

மாண்­ட­வர்­க­ளின் எண்­ணிக்கை மேலும் அதி­க­ரிக்­கக்­கூ­டும் என்று அதி­கா­ரி­கள் அச்­சம் தெரி­வித்­துள்­ள­னர். மாண­வர்­கள் தங்­கிப் படிக்­கும் விடுதி ஒன்று இடிந்து விழுந்­த­தில், அங்கு தங்­கி­யி­ருந்த மாண­வர்­கள் சிலர் உயி­ரி­ழந்­ததாக அதி­கா­ரி­கள் கூறி­னர்.

நூற்­றுக்­க­ணக்­கா­னோர் கட்­டட இடி­பா­டு­க­ளுக்­குள்­ளும் நிலச்­ச­ரி­வி­லும் சிக்கி மீட்­கப்­பட்டு சிகிச்சை பெற்று வரு­கின்­ற­னர்.

மருத்­து­வ­ம­னை­யின் கார் நிறுத்­தும் இடங்­க­ளி­லும் தற்­கா­லிக அவ­சர சிகிச்­சைக் கூடா­ரங்­க­ளி­லும் காய­ம­டைந்­த­வர்­க­ளுக்­குச் சிகிச்சை அளிக்­கப்­பட்டு வரு­கிறது. காய­ம் அடைந்­த­வர்­க­ளைத் தூக்­கிக்­கொண்டு அவ­சர மருத்­துவ வாக­னம் வந்த வண்­ணம் உள்­ள­தா­கக் கூறப்­ப­டு­கிறது.

சியாஞ்­சுர் நக­ரின் பல பகு­தி­களில் மக்­கள், அப்­ப­கு­தியை விட்டு வெளி­யேற முடி­யா­மல் வெட்­ட­வெளி­யில் தங்­கி­வ­ரு­கின்­ற­னர்.

இடிந்­து­வி­ழுந்த கட்­ட­டங்­க­ளின் இடி­பா­டு­க­ளுக்­குள் மேலும் பலர் சிக்­கி­யி­ருக்­கக்­கூ­டும் என்று அஞ்­சப்­ப­டு­கிறது. அவர்­களை மீட்­கும் பணி முடுக்­கி­வி­டப்­பட்­டுள்­ளது. கடந்த திங்­கள்­கி­ழமை ரிக்­டர் அள­வில் 5.6 என பதி­வான நில­ந­டுக்­கத்­தால் பல கட்­ட­டங்­கள் சேத­முற்­ற­து­டன் இந்­தோ­னீ­சி­யத் தலை­ந­கர் ஜகார்த்தா வரை நில­அ­திர்­வு­கள் உண­ரப்­பட்­டன.

கடந்த 2021 ஜன­வரி மாதம் இந்­தோ­னீ­சி­யா­வில் சுலா­வேசி தீவில் 6.2 ரிக்­டர் அளவு நில­ந­டுக்­கம் ஏற்­பட்டு நூற்­றுக்கு மேற்­பட்­டோர் பலி­யா­யி­னர். ஆயி­ரக்­க­ணக்­கா­னோர் வீடு­களை இழந்து தவிக்­கும் நிலை ஏற்­பட்­டது.