உச்ச பதவிக்கு உயர்ந்த அன்வார் இப்ராகிம்: மலேசியாவுக்குப் புதிய தொடக்கம்

மலேசிய அரசியலில் அன்­வார் இப்­ராகிம் என்ற பெயரைக் கேட்­டாலே அவர் சந்தித்த இமாலய சவால்­கள், சோத­னை­கள் பற்­றி­தான் நினை­வுக்கு வரும்.

இருந்தாலும், முயற்சி தன் மெய்வருத்த கூலி தரும் என்­ப­தற்­கேற்ப சவால்­களையும் சோதனைகளையும் மனந்­தளரா­மல் முறி­யடித்த அன்­வார், கிட்­டத்­தட்ட 24 ஆண்டு கால இடைவிடா போராட்டத்திற்குப் பிறகு கடந்த வியா­ழனன்று மலே­சி­யாவின் பத்­தாவது பிர­த­ம­ரா­கப் பதவி ஏற்­றார்.

அண்­மை­யில் நடந்து முடிந்த 15வது மலே­சி­யப் பொதுத் தேர்­தலில் மக்­கள் புது­மை­யான பல முடி­வு­க­ளைச் செய்து இருக்­கி­றார்­கள்.

எந்த ஒரு கட்­சிக்­கும் கூட்­ட­ணிக்­கும் பெரும்­பான்மை கிடைக்­க­வில்லை. மலேசிய வர­லாற்­றில் முதன்­மு­த­லாக தொங்கு நாடா­ளு­மன்­றம் ஏற்­பட்­டது.

அன்வாரின் பக்கத்தான் ஹரப்பான் கூட்டணி ஆகஅதிகமாக 82 தொகுதி களைக் கைப்பற்றியது. அதில் அன்வாரின் சொந்த கட்­சி­யான பிகேஆர் கட்சி 31 இடங்­களைப் பெற்­றது.

அன்­வார் அணியில், சீனர்­க­ளைப் பெரும்­பான்மை­யாகக் கொண்ட ஜன­நாயக செயல் கட்சி 40 இடங்­களை வென்­றது.

தீவிர இஸ்­லா­மி­யக் கொள்­கை­க­ளைக் கொண்ட பாஸ் கட்சி மற்ற எல்­லாக் கட்­சி­க­ளை­யும்­விட ஆக அதி­க­மாக 49 தொகு­தி­களில் வென்­றது. இந்­தக் கட்சி இரண்டாவதாக ஆக அதிக இடங்­களைப் பெற்ற பெரிக்­காத்­தான் நேஷ­னலில் அங்­கம் வகிக்­கிறது.

இவ்­வ­ள­வு­ கா­ல­மாக மலாய் மேலாதிக்­கம், உரி­மை­கள் ஆகி­ய­வற்­றைத் தூக்­கிப் பிடித்த அம்னோ ஓரங்­கட்­டப்­பட்­டுள்­ளது.

இத்தகைய ஒரு நிலையில், பெரும்­பான்மை இல்லா­மல் நாட்­டின் பத்­தா­வது பிர­த­மராக பதவி ஏற்று இருக்­கும் அன்வார், பத்­தில் தானே முத்து என்­பதை மெய்ப்­பிக்க முயல்­வார் என்­றும் அதில் அவர் வெற்றி பெறுவார் என்­றும் அவரின் ஆத­ர­வா­ளர்­கள் நம்­புகி­றார்­கள்.

மிகுந்த எச்­ச­ரிக்­கை­யு­ட­னும் கவ­ன­மா­க­வும் ஒவ்­வொரு நட­வ­டிக்­கை­யை­யும் மேற்­கொள்ள வேண்­டிய நிலை­யில் அன்வார் இருக்­கி­றார். நாட்டில் உள்ள அனைத்து இனத்­த­வர்­க­ளுக்­கும் சம உரிமை, வாய்ப்­பு­கள் கிடைப்­பதை அவர் உறுதி செய்­தாக வேண்டும்.

மாமன்­ன­ரின் கட்­ட­ளைக்கு ஏற்ப ஊழல் இல்லாத, இனம், சம­யம், மாநிலம், குடும்­பப் பின்னணி அடிப்­ப­டை­யில் எவ்வித பாகு­பா­டும் இல்லாத, அனைவரை­யும் உள்­ள­டக்­கிய சமு­தா­யத்தை உரு­வாக்­கும் இமாலய சவாலை அன்வார் எதிர்­நோக்கு­கி­றார்.

அத்­து­டன், விலை­வா­சி­யைக் குறைப்­பது, பொரு­ளி­யலை உயிர்ப்­பித்து மேம்­படுத்­து­வது, வேலை வாய்ப்­பு­களை அதி­கரிப்­பது, கல்­வித் தரத்தை உயர்த்­து­வது போன்ற முக்­கி­யப் பணி­களில் அன்­வார் உட­ன­டி­யா­கத் தீவி­ரம் காட்டி வெற்றி காண்­பார் என அவ­ரது ஆத­ர­வா­ளர்­கள் ஆவலுடன் காத்துக்கொண்டுள்ளனர்.

நினைத்­துப் பார்க்­கவே பிரம்­மாண்­ட­மாக இருக்­கும் எதிர்­பார்ப்­பு­கள், கொஞ்சம் அயர்ந்­தாலே போதும் அன்­வா­ரின் அரசியல் தலை­மைத்­து­வம் ஆட்­டம் கண்டுவிடும் என்ற நிலை­யில் அர­சி­யல் சூழல்­ ஆகியவற்றுக்கு மத்­தி­யில் அன்வாரின் தலை­மைப் பய­ணத்­தில் ஒவ்வொரு நிமி­ட­மும் சவால்­க­ளுக்­குப் பஞ்­ச­மி­ருக்­காது.

என்­றா­லும்­கூட அர­சி­யல் வாழ்க்கை கற்­றுக்­கொ­டுத்த விலை­ம­திப்­பற்ற பாடங்­கள், தனது கசப்­பான அனு­ப­வங்­கள், மனப் பக்­கு­வம் எல்­லாம் அன்­வா­ருக்கு இம்­முறை கைகொ­டுத்து வழி­காட்­டும் என்று நம்ப இடம் உண்டு.

மலே­சி­யத் துணைப் பிர­த­ம­ரா­க­வும் நிதி அமைச்­ச­ரா­க­வும் 1993ஆம் ஆண்­டி­லி­ருந்து 1998ஆம் ஆண்டு வரை பதவி வகித்­த­வர் அன்­வார்.

ஊழல், முறை­யற்ற பாலி­யல் நட­வடிக்கை ஆகிய குற்­றங்­களைப் புரிந்ததாக கார­ணம் காட்டி அவர் பதவி நீக்­கம் செய்­யப்­பட்­டார்.

அர­சி­யல் காழ்ப்­பு­ணர்ச்சி கார­ண­மாக அன்­வார் மீது பொய்க் குற்­றச்­சாட்டு­கள் சுமத்­தப்­பட்­ட­தாக அவ­ரது ஆத­ர­வா­ளர்­கள் பொங்கி எழுந்­தும் 1999ஆம் ஆண்­டில் அவ­ருக்­குச் சிறைத்தண்­டனை விதிக்­கப்­பட்­டது. அப்­போ­தெல்­லாம் அன்­வாருக்­குத் தூணாக இருந்து அவர் சார்­பாக அர­சி­யல் பய­ணத்­தைத் தொடர்ந்­த­வர் அவ­ரது மனைவி டாக்­டர் வான் அஸிசா வான் இஸ்­மா­யில்.

அன்­வார் மீதான முறை­யற்ற பாலியல் குற்­றம் தொடர்­பான குற்­றச்­சாட்டை நீதிமன்­றம் தள்­ளு­படி செய்­ததை அடுத்து, அவர் 2004ஆம் ஆண்­டு விடு­தலை யானார். ஆனால் 2014ஆம் ஆண்­டில் சிலாங்­கூ­ரின் முதல்­வ­ரா­கும் நோக்­கில் காஜாங் சட்­ட­மன்ற இடைத்­தேர்­த­லில் அன்­வார் போட்­டி­யிட இருந்­த­போது அதே குற்­றத்­தைக் கார­ணம் காட்டி அவர் மீண்டும் சிறை­யில் அடைக்­கப்­பட்­டார்.

மகா­தீர் முகம்­மது தான் பிரதமராக பதவி வகித்தபோது அன்­வாரை 1998ல் துணைப் பிர­த­மர் பத­வி­யி­லி­ருந்து நீக்­கி­னார். பிறகு பக்­கத்­தான் ஹரப்­பான் 2018ஆம் ஆண்­டில் முதல்­மு­றை­யாக ஆட்­சி­யைப் பிடித்­த­போது மீண்டும் பிர­த­மர் பொறுப்பை ஏற்ற மகா­தீர் முகம்­மது, கிட்டத்­தட்ட இரு ஆண்டு­களுக்­குப் பின் பொறுப்பை அன்­வா­ரி­டம் தரு­வ­தாக உறுதி அளித்­­தார். அன்­வா­ருக்கு மாமன்­ன­ரி­ட­மி­ருந்து பொது மன்­னிப்பு கிடைக்கவும் அவர் கார­ண­மாக இருந்­தார்.

ஆனால் நாடா­ளு­மன்ற உறுப்­பி­னர்­கள் கட்சி தாவி­விட்­ட­னர் என்று கார­ணம் காட்டி பதவி வில­கி­னார் டாக்­டர் மகா­தீர். இத­னால் ஆட்சி கவிழ்ந்­தது. பிர­த­ம­ரா­கும் வாய்ப்பை இழந்­தார் அன்­வார்.

இது அன்­வா­ருக்கு மீண்­டும் இழைக்­கப்­பட்ட துரோ­கம் என்று அதி­ருப்­திக் குரல்­கள் எழுந்­தன.

அன்­வார் இப்போது பிர­த­மர் பதவி வகிப்­ப­தற்கு மலே­சிய மாமன்­னர் அப் துல்லா அக­மது ஷா சரி­யான நேரத்தில் எடுத்த உறு­தி­யான முடிவே கார­ணம்.

அர­சி­யல் இழு­ப­றிக்கு மாமன்­னர் முற்­றுப்­புள்ளி வைத்­தார். அன்­வா­ரை­யும் பிர­த­மர் பத­விக்­காக அடி­போட்ட பெரிக்­காத்­தான் நேஷ­னல் தலை­வர் முகை­தீன் யாசி­னை­யும் அழைத்து ஐக்­கிய அரசு­அமைக்க மாமன்­னர் அழைத்தார்.

அன்­வார் இதற்கு இணக்­கம் தெரி­விக்க, முகை­தீன் மறுத்­து­விட்­டார். மாமன்னர் சொன்ன சொல்லை மதித்து பெரும்­பா­லான கட்­சி­கள் அன்­வா­ருக்கு ஆத­ரவு தெரி­வித்­த­தும் நீண்­ட­கா­ல­மாக எட்­டாக் கனி­யாக இருந்த பிர­த­மர் பதவி அன்­வா­ருக்­குக் கிடைத்­து­விட்­டது.

அன்­வார் உச்­சத்தை எட்­டி­யுள்ள இந்த நேரத்­தில், லங்­கா­வி­யில் போட்­டி­யிட்டு படு­தோல்வி அடைந்­த டாக்­டர் மகா­தீர் அர­சி­ய­லில் அதல பாதா­ளத்­துக்­குச் சென்றுவிட்­டார்.

அன்வாரின் முதல் சவால் தனக்குப் பெரும்பான்மை ஆதரவு உண்டு என்பதை அவர் மெய்ப்பிக்க வேண்டும். இதற்காக அவர் நாடாளுமன்றத்தை டிசம்பர் 19ஆம் தேதி கூட்டுகிறார். அன்வாருக்குப் பெரும் பான்மை ஆதரவு இருக்கும், அவரின் அரசியல் தலைமைத்துவம் தொடரும் என்று நம்புவோம்.