மலேசிய துணைப் பிரதமர் பதவிக்குக் கடும் போட்டி

பெட்­டா­லிங் ஜெயா: மலே­சி­யா­வில் அன்­வார் இப்­ரா­கிம் பிர­த­ம­ராக பொறுப்­பேற்ற பிறகு, அவ­ரது புதிய அமைச்­ச­ர­வை­யில் யார் யாருக்கு எந்­தெந்த பொறுப்பு கொடுக்­கப்­படக்­கூ­டும் என்­பது குறித்து பல யூகங்­கள் நில­வு­கின்­றன.

புதிய அமைச்­ச­ர­வை­யில், 30 விழுக்­காடு பக்­கத்­தான் ஹரப்­பா­னுக்­கும் பாரி­சான் நே‌ஷ­ன­லுக்கு 20 முதல் 30 விழுக்­கா­டும், மீத­முள்ள இடம், சாபா, சர­வாக்­கின் கட்­சி­கள், மற்ற கூட்­ட­ணிக் கட்சி­களுக்கு ஒதுக்­கப்­படும் என்று தக­வல்­கள் கூறு­கின்­றன.

குறிப்­பாக, இரு துணைப் பிர­த­மர் பத­வி­க­ளுக்­குக் கடும் போட்டி இருப்­ப­தா­கக் கூறப்­ப­டு­கிறது.

பெட்ரா ஜெயா நாடா­ளு­மன்ற உறுப்­பி­ன­ரான கபுங்­கான் சர­வாக்­கின் (ஜிபி­எஸ்) ஃபாடில்லா யூசோப் துணைப் பிர­த­ம­ராக நிய­மிக்­கப்­படு­வார் என்ற யூகங்­க­ளுக்கு மத்­தி­யில் பாரி­சான் நேஷ­னல் கூட்­ட­ணி­யின் துணைத் தலை­வர் முக­மது ஹசான் துணைப் பிர­த­ம­ரா­க­கூடும் என்று எதிர்­பார்க்­கப்­ப­டு­கிறது.

தேர்­தல் பிர­சா­ரத்­தின்­போது, தமது கூட்­டணி இரண்டு துணைப் பிர­த­மர்­களை நிய­மிக்­கும் என்று அன்­வார் கூறி­யி­ருந்­தார்.

கிழக்கு மலே­சி­யா­வில் இருந்து ஒரு­வ­ரும் தீப­கற்ப மலே­சி­யா­வில் இருந்து ஒரு­வ­ரும் துணைப் பிர­த­ம­ராக நிய­மிக்­கப்­ப­டு­வார்­கள் என்று தேர்­தல் அறிக்­கை­யில் கூறப்­பட்­டி­ருந்­தது.

தேசிய பேரா­சி­ரி­யர்­கள் மன்­றத்­தின் மூத்த உறுப்­பி­ன­ரான டாக்­டர் ஜென்ரி அமிர், நடு­நி­லைமை அர­சி­யல்­வா­தி­யாக கரு­தப்­படும் முக­மது ஹசான் துணைப் பிர­த­மர் பத­விக்கு நிய­மிக்­கப்­பட வாய்ப்­புள்­ள­தாக சொன்­னார்.

"ஜிபி­எஸ் கட்­சி­யு­டன் ஒப்­புக்­கொள்­ளப்­பட்­ட­தை­யும் பக்­கத்­தான் நிறை­வேற்­றி­யாக வேண்­டும். ஃபடில்லா கடு­மை­யாக உழைக்­கும் நல்ல அமைச்­சர் என்­ப­தால், அவ­ரும் துணைப் பிர­த­மர் பத­விக்கு ஏற்­ற­வர்," என்­றார் அமிர்.

அர­சி­யல் ஆய்­வா­ளர் ஜேம்ஸ் சின்­னும் ஜிபி­எஸ் கட்­சி­யின் ஃபடில்லா, துணைப் பிர­த­மர் பத­விக்கு ஏற்­ற­வர் என்­றார்.

"கூட்­டணிக் கட்­சி­க­ளைச் சேர்ப்­பது இன்­ன­மும் முடி­வுக்கு வரா­த­தால், புதிய அமைச்­ச­ர­வையை இப்­போ­தைக்­குக் கணிக்­க­மு­டி­யாது. திங்­கட்­கி­ழமை புதிய அமைச்­ச­ரவை அறி­விக்­கப்­ப­டக்­கூ­டும்," என்­றார் அவர்.

இதற்­கி­டையே, பாரி­சான் நே‌ஷ­னல் கூட்­ட­ணி­யின் தலை­வ­ரும் அம்­னோ­வின் தலை­வ­ரு­மான அக­மது ஸாஹிட் ஹமிடி துணைப் பிர­த­மர் பத­விக்­கான சிறந்த வேட்­பா­ளர் என்று அம்னோ உயர்­மட்ட குழு உறுப்­பி­ன­ரான முக­மது ரஸ்­லான் ரஃபி சொன்­னார்.

இது கட்சி­யின் படி­நிலை, கட்சி முடி­வின் அடிப்­ப­டை­யி­லா­னது என்­றும் அவர் கூறினார்.

முன்­ன­தாக, டோக் மாட் என்று அறியப்­படும் அம்­னோ­வின் துணைத் தலை­வ­ரான முக­மது ஹாசன் துணைப் பிர­த­மர் பத­விக்கு ஏற்­ற­வ­ராக இருப்­பார் என்று அம்­னோ­வின் இளை­யர் பிரிவு உறுப்­பி­ன­ரான முஹம்­மது முக்­கா­ர­பின் மொக்­தர்­ரு­தீன் கூறி­யி­ருந்­தார்.

தித்­தி­வாங்சா நாடா­ளு­மன்ற உறுப்­பி­ன­ரான ஜோஹாரி கானி, பாண்­டான் நாடா­ளு­மன்ற உறுப்­பி­ன­ரான பிகே­ஆர் கட்­சி­யின் துணைத் தலை­வர் ரபிசி ரம்லி ஆகிய இரு­வ­ரில் ஒரு­வர் நிதி­ய­மைச்­சர் பத­விக்கு நிய­மிக்­கப்­ப­டக்­கூ­டும் என்­றும் அவர் சொன்­னார்.

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!