மாணவர் முரசு
இ-பேப்பர்
நியூயார்க்: அமெரிக்காவின் நாசா அமைப்பு, 2018ஆம் ஆண்டு மே மாதம் 5ஆம் தேதி செவ்வாய் கிரகத்துக்கு 'இன்சைட்' என்ற விண்கலத்தை அனுப்பியது.
அது, ஆறு மாதம் பயணம் செய்து 2018 நவம்பர் 26ஆம் தேதி செவ்வாய் கோளில் தரையிறங்கி ஆய்வுப் பணியைத் தொடங்கியது.
கடந்த நான்கு ஆண்டுகளாக பல்வேறு புகைப்படங்களைப் பூமிக்கு அனுப்பியது.
செவ்வாய் கிரக நிலப்பரப்பைத் துளையிட்டும் ஆய்வு செய்தது. இந்நிலையில், செவ்வாய் கிரக மணல் புயலால் இன்சைட் விண்கலத்தின் சூரியசக்தி தகடுகள் மூடப்பட்டதால், தனக்குத் தேவையான மின்சக்தியை அதனால் உருவாக்கிக் கொள்ள முடியவில்லை.
கொஞ்சம் கொஞ்சமாக இன்சைட் பலம் குறைந்து வந்தது.
இந்நிலையில், இந்த ஆண்டு இறுதியில் இன்சைட்டின் எல்லா செயல்பாடுகளையும் நிறுத்திவிட நாசா முடிவு செய்து அதற்கான அறிவிப்புகளை வெளியிட்டது.
இன்சைட் விண்கலம் இரண்டு மடங்கு அதிகமாகப் பணியாற்றி இருப்பதாக நாசா கூறியது.
கடைசியாக இன்சைட் விண்கலம் புகைப்படம் ஒன்றை அனுப்பி, தன்னிலை விளக்கம் ஒன்றையும் அளித்தது.
"என் சக்தி குறைந்துவிட்டது. அநேகமாக நான் அனுப்பும் கடைசி படம் இதுதான். என்னைப் பற்றி இனி கவலைப்பட வேண்டாம்.
"செவ்வாய் கிரகத்தில் எனது வாழ்க்கை பிரிச்சினை இன்றி, பயன் அளிப்பதாக இருந்து வந்தது. இத்துடன் விடைபெறுகிறேன் நன்றி," என அச்செய்தி கூறியதாக நாசாதெரிவித்துள்ளது.