அம்னோ தலைவர், துணைத் தலைவருக்குப் போட்டி இராது

கோலா­லம்­பூர்: மலே­சி­யா­வின் அம்னோ கட்சிப் பேரா­ளர்­கள் நேற்று வரு­டாந்­திர கூட்­டத்தை நடத்­தி­னார்­கள். அதில் ஒரு தீர்­மா­னம் நிறை­வேற்­றப்­பட்­டது.

அம்­னோ­வின் கட்­சித் தேர்­தல் வரும் மே மாதம் 19ஆம் தேதிக்கு முன்பாக நடக்க வேண்­டும் என்றும் அத்தேர்­த­லில் கட்­சி­யின் தலை­வர் பத­விக்­கும் துணைத் தலை­வர் பத­விக்­கும் போட்டி இருக்­காது என்றும் அந்­தத் தீர்­மா­னம் தெரி­விக்­கிறது.

கோலா­லம்­பூ­ரில் கட்­சித் தலை­மை­ய­கத்­தில் நடந்த வரு­டாந்­திர கட்­சிக் கூட்­டத்­தில் 5,000க்கும் மேற்­பட்ட பேரா­ளர்­கள் கலந்­து­கொண்­ட­னர்.

அவர்­களில் பெரும்­பா­லா­ன­வர்­கள் அந்­தத் தீர்­மா­னத்தை ஆத­ரித்து நிறை­வேற்­றி­னர்.

போட்டி இராது என்ற தீர்­மா­னம் நிறை­வேற்­றப்­பட்டு இருப்­ப­தால், அம்­னோ­வின் தலை­வ­ராக இப்­போது இருக்­கும் ஸாஹிட் ஹமிடி, துணைத் தலை­வ­ராக இருக்­கும் முகம்­மது ஹசான் இரு­வ­ரை­யும் எதிர்த்து மே மாத கட்­சித் தேர்­த­லில் யாரும் போட்டி போட முடி­யாது.

பிர­த­மர் அன்­வார் இப்­ரா­கிம் அமைச்­ச­ர­வை­யில் ஸாஹிட் இப்­போது துணைப் பிர­த­ம­ராக இருக்­கி­றார். முகம்­மது ஹசான் தற்­காப்பு அமைச்­ச­ராக இருக்­கிறார்.

என்­றா­லும் மே மாதம் நடக்­க இருக்கும் கட்­சித் தேர்­த­லில் கட்சி­யின் மூன்று உத­வித் தலை­வர்­கள், பிரிவு தலை­வர்­க­ளுக்­கான போட்டி இடம்­பெ­றும்.

இத­னி­டையே, தலை­வர் பத­விக்­கும் துணைத் தலை­வர் பத­விக்­கும் போட்டி இருக்­கக் கூடாது என்று கூறும் தீர்­மா­னத்தை 90 விழுக்­காட்டு பிர­முகர்­கள் ஆத­ரித்­த­தா­க­வும் 10 விழுக்­காட்­டி­னர் மட்­டுமே அதை எதிர்த்­த­தா­க­வும் திரெங்­கானு மாநில அம்னோ பொது உறவுத் தலை­வர் அகம்­மது சையது கூறி­ உள்ளார்.

மலேசியாவில் இவ்வாண்டு ஆறு மாநி­லங்களுக்குத் தேர்­தல்­நடக்கவிருக்கிறது.

அதற்கு முன்­ன­தாக அம்னோ தன்­னு­டைய பலத்தை ஒன்­று­தி­ரட்ட அந்­தத் தீர்­மா­னம் உத­வும் என்­றார் அவர்.