மாணவர் முரசு
இ-பேப்பர்
கோலாலம்பூர்: பினாங்கு, சிலாங்கூர், நெகிரி செம்பிலான் ஆகிய மாநிலங்களின் சட்டச்சபைக்கு இவ்வாண்டு முற்பாதியில் தேர்தல் நடைபெறக்கூடிய நிலையில், எதிர்த்தரப்பு பெரிக்கத்தான் கூட்டணி மற்ற இன வாக்காளர்களுக்கு நட்புக் கரம் நீட்டிவருகிறது.
பிரதமர் அன்வாரின் பக்கத்தான் ஹரப்பான் கூட்டணியின் வசம் உள்ள இந்த மாநிலங்களில் வெற்றி பெற, மற்ற இனத்தவரின் வாக்குகள் முக்கியம். இதுவரை சமய, இனக் கருத்துவேறுபாடு விதைக்கும் வகையில் பேசி வந்த பெரிக்கத்தான் தலைவர்கள் சீனப் புத்தாண்டை விருந்துவைத்து கொண்டாடினர்.
பாஸ் கட்சித் தலைவர் ஹாடி அவாங், அனைவரையும் அரவணைக்கும்படி இஸ்லாம் கூறுகிறது என்றார். தமது சீனச் உறவுகளுடான புகைப்படங்களை அவர் சமூக ஊடகங்களில் பதிவிட்டார்.