மாணவர் முரசு
இ-பேப்பர்
கோலாலம்பூர்: மலேசியாவின் மொத்த உள்நாட்டு உற்பத்தி சென்ற ஆண்டு 8.7 விழுக்காடு அதிகரித்ததென 'பிஎன்எம்' எனும் அந்நாட்டின் மத்திய வங்கி தெரிவித்துள்ளது. இது, 20 ஆண்டுகளுக்கும் மேல் காணப்படாத வளர்ச்சி.
மேலும், இந்த ஆண்டு மலேசியாவின் பொருளியல் சுருங்காது என்றும் வங்கி முன்னுரைத்துள்ளது.
சீனாவின் பொருளியல் மீண்டும் திறந்துவிடப்பட்டது, சுற்றுப்பயணத்துறை தொடர்ந்து மீண்டு வருவது, பழைய, புதிய முதலீட்டுத் திட்டங்கள் உள்ளிட்ட காரணங்களால் இவ்வாண்டும் வளர்ச்சி தொடரும் என்று மத்திய வங்கி எதிர்பார்க்கிறது.
மத்திய வங்கி இந்த விவரங்களை நேற்று வெளியிட்டது.
2000ஆம் ஆண்டில் மலேசியாவின் மொத்த உள்நாட்டு உற்பத்தி 8.9 விழுக்காடு அதிகரித்தது. அதற்குப் பிறகு சென்ற ஆண்டு பதிவான வளர்ச்சி விகிதம்தான் ஆக அதிகம்.