மாணவர் முரசு
இ-பேப்பர்
மணிலா: பிலிப்பீன்சின் மத்தியப் பகுதியை 6.1 ரிக்டர் அளவிலான நிலநடுக்கம் உலுக்கியது.
நிலநடுக்கம் உலுக்கிய பிறகு நில அதிர்வுகள் ஏற்படக்கூடும் என்றும் சேதம் ஏற்பட்டிருக்கலாம் என்றும் உள்ளூர் நிலத்தடி கண்காணிப்பு அமைப்பு எச்சரித்திருந்தது. எனினும், ஆகக் கடைசி நிலவரப்படி சேதம் ஏதும் ஏற்பட்டதாகவோ உயிரிழப்பு இருந்ததாகவோ தகவல் ஏதும் இல்லை.
சுனாமி எச்சரிக்கை விடுக்கப்படவில்லை.
நிலநடுக்கம் தொடங்கிய இடம் மியாகா என்ற கிராமத்துக்கு 11 கிலோமீட்டர் தொலைவில் உள்ளது. அப்பகுதி, மாஸ்பேட் மாநிலத்தில் உள்ள உசோன் நகரில் அமைந்துள்ளது.
நிலநடுக்கம் உலுக்கியபோது சில குடியிருப்பாளர்கள் வீடுகளிலிருந்து வெளியேறியதாக உசோன் காவல்துறைத் தலைவர் தெரிவித்தார். கடைசியாக சென்ற ஆண்டு அக்டோபர் மாதம் மோசமான நிலநடுக்கம் பிலிப்பீன்சை உலுக்கியது.