மாணவர் முரசு
இ-பேப்பர்
மாஸ்கோ: உக்ரேனுக்கு எதிரான போரில் ரஷ்யா தோற்க வேண்டும் என்பதே பிரான்சின் விருப்பம் என்று பிரெஞ்சு அதிபர் இமானுவல் மெக்ரோன் அண்மையில் அந்நாட்டு நாளிதழுக்கு அளித்த பேட்டியில் தெரிவித்திருந்தார். இதற்கு ரஷ்ய அதிபர் விளாடிமிர் புட்டின் கடும் அதிருப்தி தெரிவித்து அதிபர் மெக்ரோனைச் சாடியுள்ளார்.
பல நூறாண்டுகளுக்கு முன்பு ரஷ்யாவுக்கு எதிராகப் போர் தொடுத்த பிரெஞ்சுத் தலைவர் நெப்போலியனுக்கு ஏற்பட்ட கதியை திரு புட்டின் நினைவுப்
படுத்தினார்.
அப்போரில் நெப்போலியனுக்கு மீளமுடியாத தோல்வி ஏற்பட்டது.
இந்நிலையில், ரஷ்யாவில் தலைமைத்துவ மாற்றம் கொண்டு வர வேண்டும் என்று மேற்கத்திய நாடுகள் ஒன்றிணைந்து முடிவெடுத்திருப்பது ரஷ்யாவுக்குத் தெரியும் என்று ரஷ்ய வெளியுறவு அமைச்சின் செய்தித்
தொடர்பாளர் மரியா ஸக்கரோவா தெரிவித்தார்.
ஆனால் அதிபர் புட்டினின் ஆட்சியைக் கவிழ்ப்பது குறித்து திரு மெக்ரோன் பேசவில்லை.
மாறாக, அவரைச் சந்தித்துப் பேசி போரை முடிவுக்குக் கொண்டு வர வேண்டும் என்பதே அவரது நிலைப்பாடு.
இதனால் மேற்கத்திய நாடுகளும் அவர் மீது அதிருப்தி அடைந்துள்ளன.