மாணவர் முரசு
இ-பேப்பர்
வாஷிங்டன்: மூன்று நாள்களுக்கு முன்பு அமெரிக்க ராணுவத்தின் வானூர்தியை ரஷ்ய ஆகாயப் படை விமானம் இடைமறித்தது; அச்சம்பவம் பதிவான காணொளியை அமெரிக்க தற்காப்பு அமைச்சு அம்பலப்படுத்தியுள்ளது.
ரஷ்யாவின் சு-27 ரக ஆகாயப் படை விமானம் இடைமறித்ததைத் தொடர்ந்து அமெரிக்காவின் எம்கியூ-9 வானூர்தி கருங்கடலுக்குள் விழுந்து மூழ்கியது. அதற்கு முன்பு ரஷ்ய விமானம் வானூர்திக்கு மிக அருகில் வந்து எரிசக்தியை வெளியிடும் காட்சி இந்தக் காணொளியில் இடம்பெற்றுள்ளது.
உக்ரேன் போர் தொடங்கியதிலிருந்து அமெரிக்காவுக்கும் ரஷ்யாவுக்கும் நேரடியாக மோதல் ஏற்பட்டிருப்பது இதுவே முதல்முறை.
எனினும், தங்களின் விமானம் அவசரப்பட்டு அத்துமீறி இச்செயலில் ஈடுபட்டதாகச் சொல்லப்படுவதை ரஷ்யா மறுத்துள்ளது.