மாணவர் முரசு
இ-பேப்பர்
லண்டன்: ஆப்கானிஸ்தானின் காபூலில் தலிபான் காவல்துறையினரால், பிரிட்டனைச் சேர்ந்த மூன்று பேர் தடுத்து வைக்கப்பட்டுள்ளதாக பிரிட்டனில் செயல்படும் லாபநோக்கற்ற அமைப்பான 'பிரெசிடியம் நெட்வொர்க்' தெரிவித்தது.
அவ்வாறு தடுத்து வைக்கப்பட்டவர்களில் 'டேஞ்சர் டூரிஸ்ட்' யூடியூப் பிரபலம் 23 வயது மைல்ஸ் ரொட்லெட்ஜ் என்பவரும் ஒருவர் என்று அந்த அமைப்பு கூறியுள்ளது.
கைதான மற்ற இரண்டு பேரும் ஒரு தொண்டூழிய அமைப்பைச் சேர்ந்த மருத்துவ உதவியாளர்கள் என்று அந்த அமைப்பு தெரிவித்தது.
இந்நிலையில், கைது செய்யப்பட்டவர்களின் குடும்பத்தினருக்கு உதவி வருவதாக பிரிட்டனின் வெளியுறவு அமைச்சு ஓர் அறிக்கையில் தெரிவித்துள்ளது. பிரெசிடியம் நெட்வொர்க் அமைப்பைச் சேர்ந்த திரு ஸ்கார்ட்ஸ் ரிச்சர்ட்ஸ், ஸ்கை நியூஸ் தொலைக்காட்சிக்குப் பேட்டியளிக்கையில், கைதுசெய்யப்பட்ட மூவரும் நல்ல ஆரோக்கியத்துடன் இருப்பதாகவும் அவர்களை காவல்துறையினர் நன்றாக கவனித்துக்கொள்வதாகவும் தெரிவித்தார்.