தைவானைச் சுற்றி ராணுவப் பயிற்சிகளை நடத்தும் சீனா

ஃபுச்சுவோ(சீனா): சீனா, தைவா­னைச் சுற்றி மூன்று நாள் ராணு­வப் பயிற்­சி­களை மேற்­கொள்­ளத் தொடங்­கி­யுள்­ளது. தைவா­னிய அதி­பர் சாய் இங்-வென், அமெ­ரிக்க நாடா­ளு­மன்ற நாய­கர் கெவின் மெக்­கார்த்­தி­யைச் சந்­தித்­த­தற்­கு எதிர்ப்பு தெரிவிக்கும் நோக்­கு­டன் சீனா ராணு­வப் பயிற்­சி­களை மேற்­கொள்­கிறது. தைவான் தனக்­குச் சொந்­த­மான பகுதி என்று சீனா கூறி வரு­கிறது.

சீனா­வின் நட­வ­டிக்­கை­களுக்கு அமை­தி­யா­கப் பதி­லடி கொடுக்­கப்­போ­வ­தாக தைவா­னியத் தற்­காப்பு அமைச்சு கூறி­யது. திரு­வாட்டி சாய், அமெ­ரிக்­கா­வி­லி­ருந்து தைவா­னுக்­குத் திரும்­பிய பிறகு ராணு­வப் பயிற்­சி­கள் மேற்­கொள்­ளப்­படும் என்று சீனா அறி­வித்திருந்தது.

திரு­வாட்டி சாய், திரு மெக்­கார்த்­தி­யைச் சந்­தித்­த­தற்கு பெய்­ஜிங் கண்­ட­னம் தெரி­வித்­தி­ருந்­ததையடுத்து இந்­நட­வடிக்கை மேற்­கொள்­ளப்­படும் என்று எதிர்­பார்க்­கப்­பட்­டது.

ஆகக் கடைசி நிலவரப்படி சீனா­வைச் சேர்ந்த 71 ஆகா­யப் படை விமா­னங்­கள் தைவானின் நீர்ப் பகுதிக்குள் நுழைந்ததாக தைவானிய தற்­காப்பு அமைச்சு தெரி­வித்­தது.