சூடானிலிருந்து குடிமக்களை வெளியேற்ற நாடுகள் அவசரம்

கார்ட்­டூம்: மோதல்­க­ளால் பெரி­தும் பாதிக்­கப்­பட்­டுள்ள சூடா­னி­ல் இருந்து வெளி­யே­றிய 101 பேரை ஏற்­றிச்­சென்ற ஜெர்­மா­னிய ஆகாயப்­படை விமா­னம், ஜெர்மனித் தலை­ந­கர் பெர்­லி­னில் நேற்­றுக் காலை தரை­யி­றங்­கி­யது.

சூடா­னில் ராணு­வப் படைக்­கும் துணை ராணு­வத்­திற்­கும் இடை­யே­யான மோதல் இரண்­டாவது வாரம் தொட­ரும் வேளை­யில், தலை­ந­கர் கார்ட்­டூ­மி­லி­ருந்து தங்­கள் குடி­மக்­களை வெளி­யேற்ற பல்­வேறு நாடு­கள் அவ­ச­ர­மா­கச் செயல்­பட்டு வரு­கின்­றன.

கார்ட்­டூ­மில் உள்ள தன் தூத­ரக ஊழி­யர்­க­ளும் அவர்­க­ளின் குடும்­பத்­தா­ரும் சுவீ­டன் நாட்­ட­வர்­கள் சில­ரும் அரு­கில் உள்ள ஜிபூட்­டிக்கு இட­மாற்­றப்­பட்டு உள்­ள­தாக சுவீ­டன் தெரி­வித்­தது.

சூடா­னில் நில­வி­வ­ரும் மோத­லில் இது­வரை நூற்­றுக்­க­ணக்­கானோர் உயி­ரி­ழந்­து­விட்­ட­னர். அர­ச­தந்­தி­ரி­கள், உதவி ஊழி­யர்­கள் உள்­ளிட்ட பல்­லா­யி­ரக்­க­ணக்­கான வெளி­நாட்­ட­வர்­கள் சிக்­கித் தவிக்­கின்­ற­னர்.

சூடா­னி­லி­ருந்து வெளி­நாட்­ட­வர்­களை வெளி­யேற்­றும் நட­வடிக்கை ஆகா­ய­வழி நடை­பெற்று வரு­கிறது. கார்ட்­டூ­முக்கு வட­கிழக்கே 650 கிலோ­மீட்­டர் தூரத்­தில் செங்­க­ட­லில் உள்ள சூடான் துறை­மு­கம் வழி­யா­க­வும் மக்களை வெளி­யேற்­றும் பணி இடம்­பெற்று வரு­கிறது.

கார்ட்­டூம் அருகே உள்ள விமா­னத்­தி­ட­லில் இருந்து இது­வரை 311 பேரை ஜெர்­மா­னிய ஆகா­யப்­படை விமா­னம் வெளி­யேற்­றி­யுள்­ள­தாக ராணு­வம் கூறி­யது.

கார்ட்­டூ­மில் உள்ள தனது தூத­ர­கத்தை தான் மூடி­யுள்­ள­தா­க­வும் ஊழி­யர்­க­ளை­யும் அவர்­களின் குடும்­பத்­தா­ரை­யும் தான் வெளி­யேற்­றி­யுள்­ள­தா­க­வும் சுவிட்­சர்­லாந்து தெரி­வித்­தது.

தான் இது­வரை 388 பேரை சூடா­னி­லி­ருந்து வெளி­யேற்­றி­ உள்­ள­தாக பிரான்ஸ் நேற்று தெரி­வித்­தது.

பிரான்ஸ் தலை­மை­யி­லான மீட்பு நட­வ­டிக்­கை­யில் டென்­மார்க் குடி­மக்­கள் 15 பேர் வெளி­யேற்­றப்­பட்­ட­தாக டென்­மார்க் வெளி­யு­றவு அமைச்சு ராய்ட்­டர்­சி­டம் கூறி­யது. சூடா­னி­லி­ருந்து வெளி­யேற அறுவர் மறுத்­து­விட்­ட­னர்.