எதிர்பார்க்கப்பட்டதைவிட அதிகமாக வளர்ச்சி கண்டது

2023ன் முதல் காலாண்டில் மலேசியாவின் மொத்த உள்நாட்டு உற்பத்தி 5.6% உயர்வு

கோலா­லம்­பூர்: இந்த ஆண்­டின் முதல் காலாண்­டுக்­கான மலே­சி­யா­வின் மொத்த உள்­நாட்டு உற்­பத்தி 5.6 விழுக்­காடு வளர்ச்சி கண்­ட­தா­கத் தெரி­விக்­கப்­பட்­டுள்­ளது. எதிர்­பார்க்­கப்­பட்­ட­தைக் காட்­டி­லும் அது அதி­கம்.

மொத்த உள் நாட்டு உற்­பத்தி விகி­தம் அதி­க­ரித்­த­தற்கு தனி­யார் துறை செல­வி­னங்­கள் அதி­க­ரித்­தது முக்­கி­யக் கார­ணம் என்று மலே­சி­யா­வின் மத்­திய வங்­கி­யான பேங்க் நெகா­ரா­வின் ஆளு­நர் நூர் ஷம்­சியா முக­மது யூனுஸ் கூறி­னார்.

குடும்­பங்­க­ளின் செல­வி­னம் அதி­க­ரித்­தது, தொடர்ந்து மேற்­கொள்­ளப்­பட்ட முத­லீட்டு நட­வ­டிக்­கை­கள், ஊழி­யர் சந்தை மேம்­பாடு, சுற்­றுப்­ப­யண நட­வ­டிக்­கை­கள் அதி­க­ரித்­தது போன்­ற­வற்­றால் முதல் காலாண்­டின் பொரு­ளி­யல் வளர்ச்சி சாத்­தி­ய­மா­ன­தாக அவர் குறிப்­பிட்­டார்.

"மலே­சியா பொரு­ளி­யல் மந்­த­நிலை அபா­யத்தை எதிர்­நோக்­க­வில்லை. நாட்­டின் பொரு­ளி­யல் கொவிட்-19 கிரு­மிப் பர­வ­லுக்கு முன்­பி­ருந்­த­தை­விட வளர்ச்சி கண்­டுள்­ளது," என்­றார் திரு­வாட்டி நூர் ஷம்­சியா. வேலை­யின்மை விகி­தம் கிரு­மிப் பர­வ­லுக்கு முன்­பி­ருந்­த­தைக் காட்­டி­லும் மேம்­பட்­டுள்­ள­தாக அவர் சொன்­னார்.

முத­லீட்­டுச் சூழலை எடுத்­துக்­கொண்­டால், ஈஸ்ட்­கோஸ்ட் இணைப்பு ரயில்­பாதை, போர்­னியோ நெடுஞ்­சாலை போன்ற பெரிய உள்­கட்­ட­மைப்­புத் திட்­டங்­களில் பெரிய தாம­தம் ஏது­மில்லை என்­றார் அவர். நாட்டின் ஏற்றுமதி மிதமான வளர்ச்சி கண்டதாக அவர் குறிப்பிட்டார்.