தாய்லாந்து: முடியாட்சி பிரச்சினையில் மோதல்

பேங்­காக்: தாய்­லாந்­தில் கடந்த 20 ஆண்­டு­க­ளாக ஜன­நா­ய­கத்தை அடக்கி வைத்து ஆட்சி செய்த முடி­யாட்சி சார்ந்த அர­சி­யல் அமைப்­பு அண்­மைய தேர்­த­லில் பலத்த அடி வாங்­கி­யது.

ஆனால், தேர்­த­லில் அதிக இடங்­களில் வென்ற 'மூவ் ஃபார்வர்ட்' கட்சி தான் அறி­வித்­துள்ள மாற்­றங்­களை உண்­மை­யி­லேயே கொண்டு வர முடி­யுமா என்­பதே பல­ரின் கேள்­வி­யாக உள்­ளது.

அந்­நாட்­டில் பல அர­சி­யல் தலை­வர்­கள் மக்­க­ளைக் கவ­ரும் வித­மாக இல­வ­சங்­களை அறி­வித்­துள்ள நிலை­யில், ஹார்­வர்ட் பல்­க­லைக்­க­ழ­கத்­தில் பயின்ற ஃபார்வர்ட் மூவ் கட்­சி­யின் தலை­வர் பிட்டா லிம்­ஜ­ரோன்­ராட் முடி­யாட்­சிக்கு எதி­ரா­கக் குரல் கொடுப்­ப­வர்­க­ளைத் தண்­டிக்­கும் சட்­டத்­தில் மாற்­றம் கொண்­டு­வ­ரப் போவ­தா­கக் கூறி தேர்­த­லில் போட்­டி­யிட்­டார்.

தற்­பொ­ழுது தேர்­த­லில் வெற்றி பெற்ற நிலை­யில் தனது நிலைப்­பாட்டிலிருந்து மாறப்போவ­தில்லை என்று சூளு­ரைத்­துள்­ளார்.

தாய்­லாந்­தில் மன்­ன­ரைக் குறை­கூ­றி­னால் ஒரு­வர் 15 ஆண்­டு­கள் வரை சிறை­யில் தள்­ளப்­ப­ட­லாம். தாய்­லாந்­தில் மக்­கள், மன்­னர் இடை­யி­லான உறவு முறை பாதிக்­கப்­ப­ட­லாம் எனத் தாம் கவ­லைப்­ப­டு­வ­தாக திரு பிட்டா கூறு­கி­றார். நாடா­ளு­மன்­றத்­தில் முழு­மை­யாக, முதிர்ச்­சி­யு­டன் கூடிய விவா­தத்தை வெளிப்­ப­டை­யாக நடத்தி இந்த உறவு முறையை எவ்­வாறு முன்­னெ­டுத்­துச் செல்­ல­ல­லாம் எனத் தீர்­மா­னிக்­கப் போவ­தாக திரு பிட்டா கூறி­யுள்­ளார்.

புது­யு­கத்­தில் மக்­கள் மனத்­தில் மாற்­றம் ஏற்­பட்­டு­விட்­ட­தாக அவர் விளக்­கி­னார். முடி­யாட்சி தொடர்­பான சட்­டம் இது­நாள் வரை எவ­ரும் மாற்ற முடியா ஒன்­றாக கரு­தப்­பட்டு வந்த நிலை­யில் திரு பிட்­டா­வின் முயற்சி இடம்­பெ­று­கிறது.