பெர்லின்: ஜெர்மனியில் தொடர்ந்து பணவீக்கம் நிலவு வதால் இவ்வாண்டின் முதல் மூன்று மாதங்கள் பொருளியல் மந்த நிலையில் வீழ்ந்தது என்று புள்ளிவிவரங்கள் தெரிவிக்கின்றன.
ஐரோப்பாவின் ஆகப்பெரிய பொருளியலான ஜெர்மனி, ரஷ்யாவின் எரிவாயு விநியோகம் துண்டிக்கப்பட்டதால் கடுமையாகப் பாதிக்கப்பட்டதாக பகுப்பாய்வாளர்கள் கூறுகின்றனர்.
ஜனவரி முதல் மார்ச் வரை அதன் பொருளியல் 0.3 விழுக்காடு சுருங்கியது. கடந்த ஆண்டு கடைசி மூன்று மாதங்களிலும் 0.5 விழுக்காடு பொருளியல் குறைந்தது.
ஒரு நாட்டில் இரண்டு முறை தொடர்ந்து மூன்று மாதக் காலக்கட்டத்தில் பொருளியல் சரிவு ஏற்பட்டால் அந்த நாடு பொரு ளியல் மந்தத்தை நோக்கிச் செல்வதாக எடுத்துக் கொள்ளப்படுகிறது.
மோசமான பணவீக்கம் காரணமாக ஜெர்மனியின் சில்லறைத் துறையும் அடிமட்டத்தில் வீழ்ந்து பொருளியல் சரிவை ஏற்படுத்தியுள்ளது என்று வங்கி ஒன்றின் பகுப்பாய்வாளர் ஒருவர் கூறினார்.
கடந்த ஏப்ரலில் ஜெர்மனியின் பணவீக்கம் 7.2 விழுக்காடாக இருந்தது. இது, ஐரோப்பாவில் நிலவும் சராசரி பணவீக்கத்தைவிட அதிகம். ஆனால் பிரிட்டனின் 8.7 விழுக்காட்டைவிட இது குறைவு.
“இவ்வாண்டின் தொடக்கத்திலிருந்து விலைவாசி ஜெர்மனிக்கு சுமையாக இருந்துள்ளது,” என்று மத்திய புள்ளிவிவரத் துறை அறிக்கை தெரிவித்தது.