ஹாவாய் தீவில் எரிமலைக் குமுறல்

ஹான­லுலு: அமெ­ரிக்­கா­வின் ஹாவாய் தீவில் உள்ள கிளா­யுவா எரி­மலை நேற்­றுக் காலை­யில் வெடித்­துச் சித­றி­யது.

அதன் கார­ண­மாக வெளி­யான அடர்த்­தியான சாம்­பல் துகள்­கள் விண்ணை முட்­டின.

அந்த எரி­மலை சிங்­கப்­பூர் நேரப்­படி நேற்று முன்­தி­னம் இரவு 10.44 மணிக்கு வெடித்­த­தாக அமெ­ரிக்க நில­வி­யல் ஆய்­வுத்­து­றை­யும் ஹாவா­யின் எரி­மலை கண்­கா­ணிப்பு நிலை­ய­மும் நேற்று தெரி­வித்­தன.

எரி­மலை வெடித்த ஒரு மணி நேரத்­தில், எரி­ம­லை­யின் மேற்­ப­கு­தி­கறுப்பு மற்­றும் இளஞ்­சி­வப்பு நிற­மா­கக் காணப்­பட்­டது.

பின்­னர் அந்த மேற்­ப­ரப்­பில் நெருப்­புக் குமி­ழி­க­ளைக் காண­மு­டிந்­தது என்­றும் பின்­னர் அந்­தப் பகுதி நெருப்­புப் பாறை­போல் காணப்­பட்­ட­தா­க­வும் அந்த ஆய்­வ­கத்­தின் விஞ்­ஞானி டாக்­டர் கென் ஹோன் கூறி­னார்.

மேலும் அவர், எரி­ம­லைக் குமு­றல் முழு­மை­ய­டைந்­த­தும் அப்­ப­குதி ஒளி­மிகுந்­த­தாக காட்­சி­த­ரும் என்று கூறி­னார்.

எப்­போது வெடிக்­கும் என்று கணிக்­க­மு­டி­யாத நிலை­யில் எப்­போ­தும் சீற்­றத்­து­டன் காணப்­படும் அந்த எரி­மலை திடீ­ரென நேற்று குமுறி வெடித்­தது. இது இந்த ஆண்­டில் நிக­ழும் இரண்­டா­வது குமு­றல். இதற்கு முன் கடந்த பிப்­ர­வரி மாதம் இந்த எரி­மலை குமு­றி­யது.

எரி­ம­லைக் குமு­றலை அடுத்து ஹாவாய் தீவில் சிவப்பு எச்­ச­ரிக்கை விடுக்­கப்­பட்­டுள்­ளது. அடுத்­த­டுத்து தொடர் வெடிப்­பு­கள் நிக­ழக்­கூ­டும் என்­றும் அஞ்­சப்­ப­டு­கிறது.

இருப்­பி­னும் நாட்­டின் முக்­கிய கட்­ட­மைப்­பு­க­ளுக்கோ மனி­தர்­க­ளின் உயி­ருக்கோ எவ்­வி­தத்­தி­லும் அச்­சு­றுத்­தல் இல்லை என்று எரி­ம­லைக் கண்­கா­ணிப்பு நிலை­யம் தெரி­வித்­துள்­ளது.

இருந்­தா­லும் முக்­கி­ய­மாக, எரி­ம­லைக் குமு­ற­லில் இருந்து வெளி­யே­றும் வாயு புகை ஒன்­று­மட்­டும்­தான் அச்­சு­றுத்­த­லாக இருக்­கிறது என்று அந்த ­நி­லை­யத்­தின் விஞ்­ஞானி ஹோன் தெரி­வித்­தார்.