ஆயிரக்கணக்கானோர் வெளியேற்றப்பட்டனர்

பிலிப்பீன்சில் சாம்பல், பாறைகளைக் கக்கும் மேயன் எரிமலை

மணிலா: பிலிப்­பீன்­சில் மேயன் எரி­மலை குமு­று­வ­தால், அதற்கு அருகே வசிக்­கும் ஆயி­ரக்­க­ணக்­கா­னோர் நிவா­ரண நிலை­யங்­களில் தஞ்­சம் புகுந்­துள்­ள­னர்.

கடந்த 24 மணி நேரத்­தில் குறைந்­தது ஒரு எரி­மலை நில­நடுக்­க­மா­வது பதிவு செய்­யப்பட்டு உள்­ள­தாக ஆய்­வா­ளர்­கள் தெரி­வித்­த­னர்.

மத்­திய மாநி­ல­மான அல்­பே­யில் உள்ள மேயன் எரி­ம­லை­யில் இருந்து இரண்டு கிலோ­மீட்­டர் தூரம் வரை சிவப்­புப் பாறை­கள் விழுந்­தன.

அந்த எரி­ம­லை­யின் அடி­வா­ரத்­தில் அல்­லது அதற்கு அரு­கில் வசிக்­கும் 12,800க்கும் அதி­க­மா­னோர் நிவா­ரண நிலை­யங்­களுக்கு இட­மாற்­றம் செய்­யப்­பட்டுள்­ள­தாக பிலிப்­பீன்ஸ் குடி­மைத் தற்­காப்பு அலு­வ­ல­கம் தெரி­வித்­தது.

தலை­ந­கர் மணி­லா­வுக்கு தென்­கி­ழக்­கில் ஏறத்­தாழ 330 கிலோ­மீட்­டர் தூரத்­தில் மேயன் எரி­மலை உள்­ளது. சல்­ஃபர் வாயு வெளி­யேற்­றம் நேற்று முன்­தி­னம் மும்­ம­டங்­கா­ன­தாக எரி­மலை நிபு­ணர்­கள் கூறி­னர்.

இதற்­கி­டையே, எரி­மலை குறித்த ஐந்து அடுக்கு எச்­ச­ரிக்கை முறை கடந்த வியா­ழக்­கி­ழமை இரண்­டில் இருந்து மூன்­றுக்கு உயர்த்­தப்­பட்­டது. நச்சு வாயுவை நுகர்­வ­தால் சுவா­சப் பிரச்­சினை ஏற்­படும் அபா­யம் குறித்து அதி­கா­ரி­கள் எச்­ச­ரித்­து உள்­ள­னர்.

பசி­பிக் நெருப்பு வளை­யத்­தில் பிலிப்­பீன்ஸ் அமைந்து இருப்­பதால் அங்கு நில­ந­டுக்­கங்­கள் ஏற்படுவதும் எரி­மலை குமுறுவதும் வழக்­கம்.

பிலிப்­பீன்சை உலுக்­கிய ஆக சக்­தி­வாய்ந்த எரி­மலை வெடிப்பு 1991ல் ஏற்­பட்­டது. அதில் 800க்கும் அதி­க­மா­னோர் உயி­ரி­ழந்­த­னர்.