மாணவர் முரசு
இ-பேப்பர்
வெலிங்டன்: நியூசிலாந்து தலைநகர் வெலிங்டனில் கிட்டத்தட்ட 4,000 பழைய தண்ணீர் குழாய்களிலிருந்து நீர் கசிவதால் பேரளவில் தண்ணீரை அந்நகரம் இழந்து வருகிறது.
ஒவ்வொரு நாளும் வெலிங்டனுக்குக் கிடைக்க வேண்டிய தண்ணீரில் கிட்டத்தட்ட 45 விழுக்காடு தண்ணீர் விரயமாவதாக வெலிங்கடனில் தண்ணீர் விநியோகம் செய்யும் அமைப்பான ‘வெலிங்டன் வாட்டர்’ தெரிவித்துள்ளது.
இது 30 நீச்சல் குளங்களின் பரப்பளவுக்குச் சமம்.
விரயமாகும் தண்ணீரின் அளவு அதிகரிக்கும் என்று எதிர்பார்க்கப்படுவதாக அந்த அமைப்பின் தலைமை நிர்வாகி டோனியா ஹெஸ்கெல், ஸ்ட்ரெய்ட்ஸ் டைம்ஸ் நாளிதழிடம் தெரிவித்தார்.
பழைய தண்ணீர்க் குழாய்களைப் புதுப்பிக்க போதுமான நிதி ஒதுக்கப்படாததால் இந்த நிலை ஏற்பட்டுள்ளது என்று அவர் கூறினார்.
வெலிங்டனெங்கும் உள்ள பழைய, சேதமடைந்த தண்ணீர் குழாய்களைப் புதுப்பிக்க $30 பில்லியன் நியூசிலாந்து டாலர் (S$24.6 பில்லியன்) செலவாகும் என்று திருவாட்டி ஹெஸ்கெல் தெரிவித்தார்.
