டெய்லர் சுவிஃப்ட்டின் தந்தை மீது தாக்குதல் புகார்

சிட்னி: ஆஸ்திரேலியாவின் சிட்னி நகரில் உள்ள நியூட்ரல் பே வார்ஃப்பில் ஆஸ்திரேலிய நேரப்படி பிப்ரவரி 27 அன்று காலை 2:30 மணியளவில் 71 வயது ஆடவர், 51 வயது புகைப்படக் கலைஞரைத் தாக்கியது குறித்து காவல்துறை அதிகாரிகளிடம் தகவல் தெரிவிக்கப்பட்டது.

பாதிக்கப்பட்டதாகக் கூறப்படும் பென் மெக்டொனல்ட், அவரைத் தாக்கியவர் புகழ்பெற்ற அமெரிக்கப் பாடகி டெய்லர் சுவிஃப்ட்டின் தந்தை ஸ்காட் ஸ்விஃப்ட் என்று கூறியுள்ளார்.

டெய்லர் ஸ்விஃப்ட் அவருடைய வாகனத்தை நோக்கி சென்றுகொண்டிருந்தபோது, அவருடைய பாதுகாவலர்கள் திரு பென்னைப் படம் எடுக்க விடாமல் தடுத்தார்கள் என்று கூறப்படுகிறது.  அதைத் தொடர்ந்து ஸ்காட் சுவிஃப்ட் அவரைத் தாக்கினார் என்றும்சொல்லப்படுகிறது. 

இந்தச் சம்பவம் அவருக்கு அதிர்ச்சியை அளித்தது என்றும், 26 ஆண்டுகளில் இவ்வாறு ஏற்பட்டதில்லை என்றும் திரு பென் கூறினார்.