ஹமாஸ் தலைவர்கள் மீது பயங்கரவாத குற்றச்சாட்டுகள்

வாஷிங்டன்: ஹமாஸ் அமைப்பைச் சேர்ந்த ஆறு தலைவர்கள் மீது பயங்கரவாத குற்றச்சாட்டுகள், இதர குற்றச்சாட்டுகள் சுமத்தப்பட்டிருக்கும் தகவலை செப்டம்பர் மாதம் 3ஆம் தேதியன்று அமெரிக்கா வெளியிட்டது.

இக்குற்றச்சாட்டுகள் 2024ஆம் ஆண்டு பிப்ரவரி 1ஆம் தேதியன்று பதிவாகின.

2023ஆம் ஆண்டு அக்டோபர் 7ஆம் தேதியன்று இஸ்‌ரேலுக்கு எதிராக நடத்தப்பட்ட தாக்குதலுடன் இக்குற்றச்சாட்டுகள் தொடர்புடையவை.

குற்றச்சாட்டுகள் சுமத்தப்பட்டவர்களில் ஹமாஸ் அமைப்பின் தற்போதைய தலைவரான யஹ்யா சின்வாரும் முன்னாள் தலைவர் இஸ்மாயில் ஹனியேவும் அடங்குவர்.

திரு இஸ்மாயில் ஹனியே கடந்த ஜூலை மாதம் ஈரானியத் தலைநகர் தெஹ்ரானில் படுகொலை செய்யப்பட்டார்.

பயங்கரவாத தாக்குதல்களுக்குத் தேவையான ஏற்பாடுகளைச் செய்து, ஆதரவு வழங்கி மரணம் விளைவித்ததாக அவர்கள் மீது குற்றம் சாட்டப்பட்டுள்ளது.

ஹமாஸ் அமைப்பின் அந்த ஆறு தலைவர்களையும் பிடித்துத் தடுப்புக் காவலில் வைக்கும் நோக்குடன் குற்றச்சாட்டுகள் பதிவு செய்யப்பட்டதாக அமெரிக்க நீதித்துறை அறிக்கை வெளியிட்டது.

ஹமாஸ் அமைப்பைப் பயங்கரவாத அமைப்புகள் பட்டியலில் 1997ஆம் ஆண்டில் அமெரிக்கா சேர்த்தது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

தொடங்கியது சிங்கப்பூர் எஃப்1 பந்தயம்; சீறிப் பாய்ந்த கார்கள்

09 Oct 2026 - 9:46 PM

மதுராந்தகம், தாராபுரத்தில் தவெக அபார வெற்றி

09 Oct 2026 - 12:57 PM

சிங்கப்பூர் பூல்ஸ் உட்பட மூன்று நிறுவனங்களுக்கு $275,000 அபராதம்

09 Oct 2026 - 9:21 PM

தங்கம், வெள்ளி இறக்குமதி: வங்கிகளுக்கு வழங்கப்பட்ட சலுகை ரத்து

09 Oct 2026 - 9:13 PM

2023ஆம் ஆண்டு அக்டோபர் மாதம் 7ஆம் தேதியன்று இஸ்‌ரேலுக்குள் புகுந்து ஹமாஸ் போராளிகள் தாக்குதல் நடத்தினர்.

இதில் பலர் மாண்டனர்.

இதன் காரணமாக காஸாவில் தற்போது போர் தலைவிரித்தாடுகிறது.

தாக்குதல்கள் காரணமாக குறைந்தது 43 அமெரிக்கர்கள் மாண்டுவிட்டதாகவும் குறைந்தது 10 அமெரிக்கர்கள் பிணைக்கைதிகளாகப் பிடித்து வைக்கப்பட்டுள்ளதாகவும் அல்லது மாயமானதாகவும் தெரிவிக்கப்பட்டுள்ளது.