முதல் மலேசிய சீனருக்கு மூன்று நட்சத்திர ஜெனரல் பதவி

பெட்டாலிங் ஜெயா: மலேசிய ஆயுதப் படை திங்கட்கிழமை (ஜூன் 23) மேஜர் ஜெனரல் ஜானி லிம்மை, லெப்டினென்ட் ஜெனரல் பதவிக்கு உயர்த்தியதன் மூலம் ஒரு வரலாற்று மைல்கல்லை எட்டியுள்ளது. இதன் மூலம் மூன்று நட்சத்திர அங்கீகாரத்தைப் பெற்ற முதல் மலேசிய சீன அதிகாரி என்ற பெருமையை திரு ஜானி லிம் பெற்றுள்ளார்.

மலேசிய ஆயுதப்படைத் தலைவர் நிஜாம் ஜாஃபர் தலைமையில் அனைத்துப் படைத் தளபதிகளின் முன்னிலையில் நடைபெற்ற இந்தப் பதவி உயர்வு விழா, ஆயுதப்படை வரலாற்றில் ஒரு குறிப்பிடத்தக்க தருணமாக அமைந்தது.

“இந்த பதவி உயர்வு, ஆயுதப் படைகளுக்குள் வாய்ப்புகள் அணுகக்கூடியவை என்பதையும், தகுதி மற்றும் சேவை சிறப்பை அடிப்படையாகக் கொண்டவை என்பதையும் எடுத்துக்காட்டுகிறது. இது மற்ற இனக்குழுக்களிடையே இந்த உன்னதமான தொழிலை மேற்கொள்ள அதிக ஆர்வத்தைத் தூண்டும் என்று நம்பப்படுகிறது,” என்று மலேசிய ஆயுதப்படை ஓர் அறிக்கையில் தெரிவித்துள்ளது.

மலாக்காவைச் சேர்ந்த ஜெனரல் லிம், தனது ஆரம்பக் கல்வியை எஸ்கே செயிண்ட் பிரான்சிஸ் (1973–1978) மற்றும் எஸ்எம்கே செயிண்ட் பிரான்சிஸ் (1979–1983) ஆகிய பள்ளிகளில் முடித்தார்.

அவர் தனது ராணுவப் பயணத்தை 25வது ரெகயுலர் ஆணையிடும் பயிற்சியோடு தொடங்கினார். பின்னர் ரேஞ்சர் படைப்பிரிவில் சேருவதற்கு முன்பு பிரிட்டனின் உள்ள புகழ்பெற்ற ராயல் மிலிட்டரி அகாடமி சாண்ட்ஹர்ஸ்டில் பயிற்சி முடிந்தவுடன் ஆணை வழங்கப்பட்டது.