போர் நிறுத்தப் பேச்சுக்கு ஆயத்தமாகிறது உக்ரேன்: ஸெலென்ஸ்கி நிர்வாகம்

கியவ்: ர‌‌ஷ்யாவுடனான போரை முடிவுக்குக் கொண்டுவருவதன் தொடர்பிலான பேச்சை வரும் அக்டோபரில் தொடங்க உக்ரேன் ஆயத்தமாகிவருவதாக அதிபர் வொலோடிமிர் ஸெலென்ஸ்கி நிர்வாகம் கூறியிருக்கிறது.

ர‌‌ஷ்யா, அமெரிக்கா ஆகியவற்றுடன் முத்தரப்புப் பேச்சுவார்த்தைக்குத் தயாராகி வருவதாக உக்ரேனிய அதிபர் வொலோடிமிர் ஸெலென்ஸ்கி நிர்வாகத்தின் தலைமை அதிகாரி கிரிலோ புடானோவ் தெரிவித்தார்.

உக்ரேன்மீது ர‌‌ஷ்யா படையெடுத்து நாலரை ஆண்டுகளுக்கும் மேலாகிவிட்டது.

“அக்டோபருக்காக நாங்கள் ஆயத்தமாகி வருகிறோம்,” என்று திரு புடானோவ் கூறினார்.

அமெரிக்கத் தூதர்கள் ஸ்டீவ் விட்கோஃபும் ஜாரெட் குஷ்னரும் மாஸ்கோவிலும் கியவிலும் பேச்சு நடத்திய சில நாள்களுக்குப் பிறகு திரு புடானோவின் கருத்து வந்துள்ளது.

பிப்ரவரி மாதத்திற்குப் பிறகு அவர்கள் மாஸ்கோவுக்கும் உக்ரேனியத் தலைநகருக்கும் மேற்கொண்ட முதல் பயணம் அது. இதற்கு முன்னர் முத்தரப்புச் சந்திப்பு பிப்ரவரியில் ஜெனீவாவில் நடைபெற்றது.

ஈரான் போரில் கவனம் செலுத்தியதால் அமெரிக்கா தலைமையிலான அரசதந்திர முயற்சிகள் தொய்வடைந்திருந்தன.

இரு தலைநகரங்களுக்கும் பயணம் செய்த பிறகு பேசிய விட்கோஃப், பேச்சுவார்த்தைகளை முன்னெடுத்துச் செல்வதில் ஏற்பட்டுள்ள புதிய வேகத்தை இருதரப்பும் வரவேற்பதாகத் தெரிவித்தார்.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

அமெரிக்க இடைத்தவணைத் தேர்தல்: நாடாளுமன்றத்தைக் கைப்பற்றியது ஜனநாயகக் கட்சி

04 Nov 2026 - 4:51 PM

‘டாஸ்மாக்’ நிர்வாகத்தைத் தனியாரிடம் ஒப்படைப்பது பற்றி தமிழக அரசு பரிசீலனை

02 Nov 2026 - 6:57 PM

கன்னடர்களுக்கு வேலைவாய்ப்பில் முன்னுரிமை கோரும் கன்னட அமைப்புகள்

03 Nov 2026 - 4:17 PM

சாகிர் நாயக்கை இந்தியாவிடம் ஒப்படைக்க மலேசியா மறுப்பு

03 Nov 2026 - 4:30 PM

தூதர்கள் இருவரும் மிகச் சிறந்த, பயனுள்ள சில யோசனைகளை முன்வைத்துள்ளதாகத் திரு ஸெலென்ஸ்கி கூறினார். புதிய முத்தரப்புச் சந்திப்பை துருக்கி, ஐக்கிய அரபுச் சிற்றரசுகள், சுவிட்சர்லாந்து அல்லது வேறு நாடுகள் நடத்தக்கூடும் என்றும் அவர் கோடிகாட்டியிருந்தார்.

அமைதிப் பேச்சை மீண்டும் தொடங்குவதை மாஸ்கோ நிராகரிக்கவில்லை என்று கிரெம்ளின் பேச்சாளர் டிமிட்ரி பெஸ்கோவ் தெரிவித்தார். ஆனால், அத்தகைய பேச்சுவார்த்தைகள் எப்போது, எங்கு நடைபெறும் என்பதை இப்போது சொல்வதற்கில்லை என்றார் அவர்.

இதற்கிடையே, டீசல் எரிவாயுவைக் கொண்டுசென்ற கனரக வாகனங்களை உக்ரேன் தாக்கியதாக ர‌‌ஷ்ய அணுசக்தி நிறுவனத்தின் தலைவர் அலெக்சே லிக்காச்செவ் ஞாயிற்றுக்கிழமை (செப்டம்பர் 13) கூறியிருக்கிறார். அதில் ர‌‌ஷ்ய ராணுவத்தினர் இருவர் மாண்டதாகவும் பலர் காயமுற்றதாகவும் அவர் சொன்னார்.

உக்ரேனில் ர‌‌ஷ்யாவின் கட்டுப்பாட்டில் உள்ள ஸப்போரீ‌ஷியா அணுசக்தி ஆலையின் பாதுகாப்புக்கு வேண்டுமென்றே பங்கம் விளைவித்ததாகத் திரு லிக்காச்செவ் சாடினார். சம்பவம் சென்ற வெள்ளிக்கிழமை நடந்ததாக அவர் கூறினார்.