89 ஆண்டுகால வரலாற்றில் முதல்முறையாக மிகப்பெரிய மறுசீரமைப்புத் திட்டம்

50,000 ஊழியர்களைப் பணிநீக்கம் செய்கிறது ஃவோக்ஸ்வேகன்

2 mins read

பெரும் நெருக்கடியை சந்தித்து வரும் ஃவோக்ஸ்வேகன் நிறுவனத்தில் ஏற்கெனவே 50,000 ஊழியர்களை நீக்கும் நடவடிக்கைகள் நடைபெற்று வரும் நிலையில், தற்போது மேலும் 50,000 பேரைக் குறைக்கத் திட்டமிடப்பட்டுள்ளது. - கோப்புப் படம்: இபிஏ

பெர்லின்: செலவுகளைப் பெருமளவில் குறைக்கும் நடவடிக்கையின் ஒரு பகுதியாகக் கிட்டத்தட்ட 50,000 ஊழியர்களைப் பணிநீக்கம் செய்யவுள்ளதாக ஜெர்மனியின் பிரபல கார் தயாரிப்பு நிறுவனமான ஃவோக்ஸ்வேகன் (Volkswagen) அறிவித்துள்ளது.

ஏற்கெனவே அறிவிக்கப்பட்ட ஆட்குறைப்புகளையும் சேர்த்து வரும் 2030ஆம் ஆண்டுக்குள் பணிநீக்கம் செய்யப்படுவோரின் எண்ணிக்கை ஏறத்தாழ 100,000 ஆக உயரும்.

ஐரோப்பாவின் மிகப்பெரிய கார் தயாரிப்பு நிறுவனமான அது, அனைத்துலக அளவில் நிலவும் கடுமையான போட்டிகளை எதிர்கொள்ள தனது 89 ஆண்டுகால வரலாற்றில் இல்லாத மிகப்பெரிய மறுசீரமைப்புத் திட்டத்தை அறிவித்துள்ளது.

அத்திட்டத்திற்கு நிறுவனத்தின் மேற்பார்வைக் குழு வியாழக்கிழமை (செப்டம்பர் 3) ஒப்புதல் அளித்துள்ளது.

நிறுவனத்தின் சீரமைப்புத் திட்டத்தின் கீழ், ஆடி, போஷே, ஸ்கோடா ஆகிய வணிக முத்திரைகளைக் கொண்ட வாகனங்களையும் தயாரிக்கும் ஃவோக்ஸ்வேகன், ஜெர்மனியில் உள்ள தனது நான்கு தொழிற்சாலைகளில் உற்பத்தியை நிறுத்தவுள்ளது.

எம்டன், ஸ்விகாவ், ஹானோவர், நெக்கர்சூல்ம் ஆகிய இடங்களில் உள்ள அந்த ஆலைகளில் 2034ஆம் ஆண்டிற்குள் கார் உற்பத்தி நிறுத்தப்படும். அவற்றிற்கு மாற்று வழிகள் பரிசீலிக்கப்படும் என்று நிறுவனம் கூறியது.

வரும் 2035ஆம் ஆண்டுக்குள் சந்தையில் விற்கப்படும் கார் மாடல்களின் எண்ணிக்கை 50 விழுக்காடுவரை குறைக்கப்பட உள்ளது.

தொழில்துறை வேலைவாய்ப்புகளையும் நிறுவனத்தின் எதிர்காலத்தையும் பாதுகாப்பதற்காக மறுசீரமைப்பு மேற்கொள்ளப்படுகிறது.

இவையும் உங்களுக்குப் பிடிக்கலாம்

அனைத்துவகைச் செய்திகளும் ஒரே இடத்தில்.

கடந்தமுறை நாடாளுமன்ற மழைக்கால கூட்டத்தொடரில் எதிர்க்கட்சிகள் தொடர்ந்து அமளியில் ஈடுபட்டதால் அந்தச் சட்டத் திருத்த முன்வரைவை விவாதத்துக்கு எடுத்துக்கொள்ள முடியவில்லை. அதையடுத்து அனைத்துத் தரப்பினரின் கருத்துகளைக் கேட்கும் வகையில் அனைத்துக் கட்சி நாடாளுமன்ற உறுப்பினர்கள் அடங்கிய குழு அந்த சட்டத் திருத்த முன்வரைவை ஆய்வு செய்கின்றது.

வெளிநாட்டு நிதிச் சட்டத்தைத் திருத்துவது குறித்து ஆய்வு

04 Sep 2026 - 6:07 PM

சிங்கப்பூர் நிர்வாகப் பல்கலைக்கழகம் 2025 டிசம்பர் முதல் 2026 ஏப்ரல் வரை நடத்திய ஆய்வில் சிங்கப்பூர்க் குடிமக்கள், நிரந்தரவாசிகளில் 21 வயதுக்கும் மேற்பட்ட 2,007 பேர் பங்கேற்றனர்.

பொதுத் தூய்மை குறித்த மனநிறைவில் சரிவு: கருத்தாய்வு

04 Sep 2026 - 5:56 PM

குவாங்சி பகுதியில் நடத்தப்பட்ட சட்ட அமலாக்க நடவடிக்கையின்போது 52 சிங்கப்பூரர்கள் கைதுசெய்யப்பட்டதாகச் சிங்கப்பூர் வெளியுறவு அமைச்சும் காவல்துறையும் வெள்ளிக்கிழமை (செப்டம்பர் 4) வெளியிட்ட கூட்டறிக்கையில் தெரிவித்தன.

சீனாவில் 52 சிங்கப்பூரர்கள் கைது: பிரமிட் திட்டத்தில் ஈடுபட்டதாகச் சந்தேகம்

04 Sep 2026 - 4:29 PM

சிங்கப்பூர் தற்காப்பு அமைச்சு கொள்முதல் செய்துள்ள 12 எஃப்-35 போர் விமானங்கள் அமெரிக்காவில் தளம் அமைக்கப்படும்.

சிங்கப்பூரின் 20 எஃப்-35 போர் விமானங்களில் எட்டு தெங்காவிலும் எஞ்சியவை அமெரிக்காவிலும் அமையும்

03 Sep 2026 - 10:29 PM

நிறுவனத்தின் தயாரிப்புகளை உலகளவில் மேலும் ஈர்க்கக்கூடியதாகவும் போட்டித்தன்மை நிறைந்ததாகவும் மாற்ற பல பில்லியன் யூரோக்கள் முதலீடு செய்யப்படும் என்று தலைமை நிர்வாக அதிகாரி ஆலிவர் புளூம் கூறினார். அவரின் எதிர்காலத் திட்டத்திற்கு பெரும்பாலான பங்குதாரர்கள், தொழிற்சங்கங்கள் ஒப்புதல் அளித்துள்ளன.

இச்செய்தியைப் பகிரவும்

குறிப்புச் சொற்கள்

உலகம்ஜெர்மனிகார்ஆட்குறைப்புபணிநீக்கம்தயாரிப்பு