மாணவர் முரசு
இ-பேப்பர்
அதர்வா நடித்துள்ள ‘தணல்’ திரைப்படத்தின் முன்னோட்டக் காட்சியை படக்குழுவினர் வெளியிட்டுள்ளனர்.
‘பாணா காத்தாடி’, ‘பரதேசி’, ‘சண்டிவீரன்’ போன்ற படங்களின் மூலம் ரசிகர்கள் மனதில் நீங்கா இடம்பிடித்தவர் நடிகர் அதர்வா.
இவர், தற்போது ‘இதயம் முரளி’ படத்தைத் தன் கைவசம் வைத்துள்ளார்.
மேலும், அறிமுக இயக்குநர் ரவீந்திர மாதவா இயக்கத்தில் ‘தணல்’ படத்தில் நடித்து முடித்துள்ளார்.
இதில் அஸ்வின், லாவண்யா திரிபாதி, பிரதீப் விஜயன், சர்வா, போஸ் வெங்கட் உள்ளிட்ட பலர் நடித்துள்ளனர். அதிரடிப் படமாகத் தயாராகி உள்ள இத்திரைப்பட படப்பிடிப்புப் பணிகள் இரண்டு ஆண்டுகளுக்கு முன்பே முடிந்த நிலையில், இப்படம் இன்னும் வெளியாகாமல் இருக்கிறது.
இந்த நிலையில், மிகவும் எதிர்பார்க்கப்பட்ட இப்படத்தின் முன்னோட்டக் காட்சி தற்போது வெளியாகி இருக்கிறது. அதனுடன், இத்திரைப்படம் வரும் 12ஆம் தேதி வெளியாக உள்ளதாகவும் படக்குழு அறிவித்துள்ளது.
இதற்கிடையே ஜி.வி.பிரகாஷ் குமார், தேஜு அஸ்வினி, பிந்து மாதவி, ஸ்ரீகாந்த், ரமேஷ் திலக் உள்ளிட்டோர் நடித்துள்ள ‘பிளாக்மெயில்’ படமும் வரும் 12ஆம் தேதி வெளியாகும் எனத் தெரிவிக்கப்பட்டுள்ளது.
இதனை மு.மாறன் இயக்கியுள்ளார். ஜேடிஎஸ் பிலிம் ஃபேக்டரி சார்பில் ஜெயக்கொடி அமல்ராஜ் தயாரித்துள்ள இந்தப் படத்துக்கு சாம் சி.எஸ் இசை அமைத்துள்ளார்.
தொடர்புடைய செய்திகள்
இந்தப் படம் ஆகஸ்ட் 1ஆம் தேதி வெளியீடு காண இருந்தது. ஒருசில காரணங்களால் வெளியீட்டுத் தேதி ஒத்தி வைக்கப்பட்டது. இந்த நிலையில் இந்தப் படம் செப்டம்பர் 12ஆம் தேதி வெளியாக இருப்பதாகப் படக்குழுவினர் கூறியுள்ளனர்.