மாணவர் முரசு
இ-பேப்பர்
தமிழ் சினிமாவில் குடும்பக் கதைகளுக்கான சீசன் போலிருக்கிறது. ‘டூரிஸ்ட் குடும்பம்’, ‘3BHK’ ஆகிய படங்களை அடுத்து களமிறங்க உள்ளது ‘எவிடென்ஸ் #8’.
இது இயக்குநர் ஆர்டிஎம் (RDM) இயக்கத்தில் சசிகுமார் நாயகனாக நடித்துள்ள படம்.
இதற்கு முன்பு ‘காவல்துறை உங்கள் நண்பன்’ படத்தை இயக்கியுள்ளார் ஆர்டிஎம். அதில், அதிகார வர்க்கமும் நிர்வாக அமைப்பும் எளிய மக்களை எவ்வளவு தூரம் பந்தாட முடியும் என்பதை விரிவாக விவரித்திருந்தார்.
இந்தப் படத்தின் மூலம்தான் அடுத்த வாய்ப்பாக ‘எவிடென்ஸ் #8’ படம் கிடைத்திருக்கிறது.
“பிறகு நான் எழுதிய கதை, சசிக்கு மிகப் பொருத்தமாக இருந்தது. எனவே, அவரைச் சந்தித்துப் பேசினேன். முழுக்கதையைக் கேட்டதும் அவருக்கு மிகவும் பிடித்திருந்தது. ‘ஆடுகளம்’, ‘பொல்லாதவன்’ படங்களின் தயாரிப்பாளரான கதிரேசனிடம் சசிகுமாரின் தேதிகள் இருந்ததால், அதைப் பயன்படுத்தி ‘எவிடென்ஸ் #8’ படம் உருவானது. இப்போது திரைகாணவும் தயாராகிவிட்டது,” என்று உற்சாகமாகப் பேசுகிறார் இயக்குநர் ஆர்டிஎம்.
இது குடும்பமும் குற்றங்களும் நிறைந்த நாடகப் பாணிக் கதையாம். திருமணங்களில் புகைப்படம் எடுக்கும் புகைப்படக்காரராக சசிகுமார் நடித்துள்ளார். அவரது தந்தையாக இயக்குநர் கஸ்தூரி ராஜாவை நடிக்க வைத்துள்ளனர். “மொத்த கதையும் கஸ்தூரி ராஜாவை வைத்துத்தான் நகரும். அப்பா-மகனுக்கான உணர்வுபூர்வமான அம்சங்கள் தவிர, இன்னொரு முக்கியமான விஷயம் குறித்தும் பேசியிருக்கிறோம்.
“காவல்துறையில் தடயவியல் துறை, உளவுத்துறை எனப் பல துறைகள் உள்ளன. இதுவரை வெளியே சொல்லப்படாத ஒரு துறையும் உள்ளது. அது மிகவும் சிறிய துறை. நிறைய ஆதாரங்கள் இத்துறை மூலமாக வெளியே வந்திருக்கிறது. இந்தப் படத்தில் அத்துறையைப் பற்றி நல்ல விஷயங்களைக் காட்சிப்படுத்தி உள்ளோம்,” என்கிறார் ஆர்டிஎம்.
சசிகுமாரின் தம்பியாக நவீன் சந்திரா நடித்துள்ளார். சின்னத்திரையில் பெயர் வாங்கிய ராதிகா ப்ரீத்திதான் கதாநாயகி.
இந்தப் படத்துக்கு முன் கன்னடத்திலும் தமிழில் சந்[Ϟ]தா[Ϟ]னத்தின் ‘80ஸ் பில்டப்’ படத்திலும் நடித்துள்ளாராம்.
மேலும், யோகிபாபு, ஸ்ரீஜா ரவி எனத் தேர்ந்த நடிகர்களும் நடித்துள்ளனர். சரவெடி நகைச்சுவைக்கு யோகிபாபு உத்தரவாதம் தந்துள்ளதாகச் சொல்கிறார் இயக்குநர்.