‘இது சிறு வயது ஆசை’

கிரா­மத்­துப் பெண், நக­ரத்­துப் பெண் என எந்­தக் கதா­பாத்­தி­ர­மாக இருந்­தா­லும், கச்­சி­த­மா­கப் பொருந்­து­கிறார் என இயக்­கு­நர்­க­ளால் பாராட்­டப்­ப­டு­கி­றார் இளம் நாயகி ஆரா.

'பைசா' படத்­தைப் பார்த்­த­வர்­க­ளுக்கு இவ­ரைப் பற்றி தெரிந்­தி­ருக்­கும். அதன் பிறகு 'ஒன்வே', 'குழலி' என அடுத்­த­டுத்த படங்­களில் நடித்து முடித்­துள்­ளார்.

"நான் சென்­னைப் பெண் என்று சொல்­லிக்­கொள்­வதில் பெரு­மைப்­ப­டு­கி­றேன். சென்­னை­யில்­தான் பள்­ளிப்­ப­டிப்பை முடித்­தேன். பின்­னர் அஞ்­சல் வழி ஆங்­கில இலக்­கி­யத்­தில் பட்­டப்­ப­டிப்பை முடித்­தேன்.

"என் தந்தை தனி­யார் தொலைக்­காட்­சி­யில் மக்­கள் தொடர்­பா­ள­ரா­கப் பணி­யாற்றி வரு­கி­றார். அம்மா இல்­லத்­த­ரசி. ஒரே தங்கை, பள்­ளி­யில் படித்து வரு­கி­றார்," என்று சொல்­லும் ஆரா­வுக்கு, 13 வய­தி­லேயே சினிமா ஆசை வந்­து­விட்­ட­தாம்.

அதை வீட்­டில் தெரி­வித்­த­போது எந்த எதிர்ப்­பும் கிளம்­ப­வில்லை. மாறாக, தனது பெற்­றோர் ஊக்­கம் கொடுத்து வழி­ந­டத்தி உள்­ள­னர்.

"எட்­டாம் வகுப்பு படிக்­கும்­போ­து­தான் சினிமா மீதான ஆர்­வம் ஏற்­பட்­டது. பெற்­றோர் முழு ஆத­ர­வை­யும் ஒத்­து­ழைப்­பை­யும் அளித்­த­னர். அவர்­க­ளி­டம் ஆசி பெற்ற பிறகே சினிமா வாய்ப்­பு­க­ளைப் பெறத் தொடங்­கி­னேன்.

"நடிகை ஆக வேண்­டும் என்ற ஆசை­யால்­தான் நேர­டிக் கல்­லூரி வகுப்­புக்­குச் செல்ல முடி­ய­வில்லை. எனி­னும், மிக விரை­வில் எனக்­கான வாய்ப்­பு­கள் தேடி வந்­தன.

"சுசீந்­தி­ரன் இயக்­கத்­தில் விஷ்ணு விஷால் நடித்த 'ஜீவா' படத்­தில் அவ­ரது தங்கை கதா­பாத்­தி­ரத்­தில் நடிக்­கும் வாய்ப்பு கிடைத்­தது. அடுத்து இயக்­கு­நர் ஹரி­யின் 'பூஜை' படத்­தில் சின்ன வேடத்­தில் நடித்­தேன்," என்­கி­றார் ஆரா.

அதன் பிற­கு­தான் 'பைசா' படத்­தில் நடிப்­ப­தற்­கான தேர்­வில் பங்­கேற்­றா­ராம். கதா­பாத்­தி­ரத்­துக்கு ஏற்ப நடித்­த­தால் தேர்­வாகி உள்­ளார்.

"பின்­தங்­கிய மக்­க­ளின் வாழ்க்­கை­யைப் பேசும் படம் அது. அதில் நாயகி­யாக நடிக்­கும் நல்ல வாய்ப்பு கிடைத்­தது. இந்­தப் படத்­தில் என் நடிப்பு பல­ரால் பாராட்­டப்­பட்­டது.

"அதன்பிறகு, எனக்­கான கதை­கள், கதா­பாத்­தி­ரங்­களை மிகுந்த கவ­னத்­து­டன் தேர்ந்­தெ­டுத்து நடித்து வரு­கிறேன்.

"எடுத்த எடுப்­பி­லேயே நாய­கி­யாக மட்­டுமே நடிப்­பேன் என்று பிடி­வா­தம் பிடிக்­க­வில்லை. சிறு வய­தி­லேயே நடிக்க வந்­த­தால் குணச்­சித்­திர கதா­பாத்­தி­ரங்­க­ளி­லும் கவ­னம் செலுத்­து­மாறு சிலர் அறி­வுரை கூறி­னர். எனி­னும், எனது எதிர்­பார்ப்­புக்கு ஏற்ப நல்ல வேடங்­கள் அமைந்து வரு­கின்­றன," என்­கி­றார் ஆரா.

இவர் நடித்த 'பைசா' படத்தை 'குழலி' பட இயக்­கு­நர் பார்க்க நேரிட, தனது படத்­தி­லும் நாய­கி­யாக்­கி­விட்­டார். எனி­னும் நடிப்­புத் தேர்­வுக்­குப் பிறகே ஒப்­பந்­த­மா­னா­ராம்.

"என் நடிப்பு அவ­ருக்கு பிடித்­துப்­போ­னது. ஆனால், நடிப்­புத் தேர்வு நடக்க இருப்­ப­தா­க­வும் அதில் பங்­கேற்­கு­மா­றும் கூறி­னார். மறு­நாள், நடிப்­புத் தேர்­வுக்­குச் சென்­ற­போது ஒரு குறிப்­பிட்ட காட்­சி­யில் நடிக்­கச் சொன்­னார் இயக்­கு­நர். தயக்­க­மின்றி நடித்­த­தைப் பாராட்­டிய பிறகு, பள்ளி மாண­விக்­கு­ரிய ஆடை­களை அணி­யச் சொல்லி புகைப்­ப­டங்­கள் எடுத்­த­னர்.

நூறு விழுக்­காடு மன­நி­றைவு ஏற்­பட்ட பிறகே, நான்­தான் நாயகி என்­பதை அதி­கா­ர­பூர்­வ­மாக அறி­வித்­த­னர்.

"சிம்­பு­வு­டன் 'ஈஸ்­வ­ரன்' படத்­தில் சிறிய கதா­பாத்­தி­ரத்­தில் நடித்­த­போது நல்ல அனு­ப­வம் கிடைத்­தது. எனி­னும், என் நல­னில் அக்­கறை உள்­ள­வர்­கள் இது­போன்ற சிறிய வேடங்­களில் நடித்­தால் பிறகு நாய­கி­யாக நடிக்­கும் வாய்ப்பு கிடைக்­கா­மல் போய்­வி­டும் என்று கூறி­னர்.

"ஆனால் திறமை இருந்­தால் வாய்ப்­பு­கள் கிடைக்­கும் என உறு­தி­யாக நம்பு­கி­றேன். அத­னால்­தான் 'குழலி' பட வாய்ப்பு கிடைத்­தது.

"நடி­கை­யாக எனது பய­ணத்­தைத் தொடங்­கிய போதே நல்ல தர­மான, அழுத்­த­மான கதை­யம்­சம் உள்ள படங்­களில் நடிக்க வேண்­டும் என்று முடி­வெ­டுத்­து­விட்­டேன். அதற்­கேற்ப விற்­ப­னைப் பெண், கிரா­மத்­துப் பெண் என படத்­துக்கு படம் வித்­தி­யா­ச­மான கதா­பாத்­தி­ரங்­கள் அமைந்து வரு­கின்­றன.

"கோவை சரளா போன்ற அனு­பவ நடி­கை­க­ளு­டன் இணைந்து நடிக்­கும் வாய்ப்­பு­கள் எளி­தில் அமை­யாது. ஆனால், எனக்கு அதிர்ஷ்­டம் இருப்­ப­தால் 'ஒன் வே' படத்­தில் அது சாத்­தி­ய­மா­னது," என்று சொல்­லும் ஆரா­வுக்கு விஜய், தனுஷ், சிவ­கார்த்­தி­கேயன், விஜய் சேது­ப­தி­யு­டன் சேர்ந்து நடிக்க ஆசை­யாம்.

, :

  

 
Article Hard Regwall
 

Register and read for free!

உங்கள் செய்தி வரம்பை எட்டிவிட்டீர்கள். மேலும் படிக்க இலவசக் கணக்கு தொடங்கவும்.
இன்று மேலும் 1 செய்திகளைப் படிக்கலாம். 
மேலும் படிக்க இலவசக் கணக்கு தொடங்கவும்.
 
 
ஏற்கெனவே பதிவுசெய்துள்ளீர்களா?
 
 

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!